जळगाव : जळगावमध्ये खासदार नवनीत राणा यांनी माजी मुख्यमंत्री आणि शिवसेना पक्षप्रमुख उद्धव ठाकरे यांच्यावर टीकास्त्र सोडले आहे. ‘महाराष्ट्राच्या विकासासाठी जी लढाई आम्ही लढलो ती जिंकलो. हनुमान चालीसाचे पठण केले म्हणून आम्हाला ठाकरे सरकारने कारागृहात टाकले होते. निर्दोष असतानाही आम्हाला १४ दिवस कारागृहात राहावे लागले. ज्याचा वध करायचा होता, त्याचा वध आम्ही केला आणि त्याला घरी बसवले,’ अशा शब्दांत नवनीत राणा यांनी उद्धव ठाकरे टीका केली.
हनुमानाने उद्धव ठाकरेंना त्यांची जागा दाखवली, आता त्यांच्या घरात उभं राहायला सुद्धा कार्यकर्ता उरला नाही. मी मुंबईची मुलगी आणि विदर्भाची सून आहे, तुम्ही उद्धव ठाकरे असाल, तर मी पण नवनीत राणा आहे. तुम्ही शिवसेनेचे असाल तर मी पण विदर्भाची सून आहे, आमना सामना तर लवकरच होईलच व त्यात कळेल की कोण किती मजबूत आहे, अशा शब्दात नवनीत राणांनी ठाकरेंना ललकारलं आहे.
हे पण वाचा :
पैसे वाटपावरुन पोलीस आणि होमगार्डमध्ये हाणामारी; व्हिडिओ सोशल मीडियावर व्हायरल
ST महामंडळात निघाली मोठी भरती, 8वी-10वी पाससाठी मोठा चान्स ; आताच अर्ज करा
केन्द्रीय विद्यालय संगठन वरणगाव येथे ‘या’ पदांसाठी भरती
उद्धव ठाकरेंनी पॉवरचा दुरुपयोग केला, त्यांनी म्हटलं जेलमधून निघाल्यावर महिला तुटून जाईल, तिला काही बोलता येणार नाही, ती आमच्याविषयी काही बोलणार नाही, पण ज्या दिवशी जेलमधून बाहेर पडले, तेव्हा डबल ताकद. चौदा दिवस, बारा-बारा तास जेलमध्ये मी हनुमान चालिसेचं पठण केलंय, उद्धव ठाकरेला प्रत्येक क्षण, प्रत्येक मिनिट… हनुमान चालिसेमध्ये मी पाठ करत होते, जर माझ्या भक्तीत थोडीही ताकद असेल, तर हनुमंत राय त्यांना जागा दाखवेल, आणि उद्धव ठाकरेंना त्यांची जागा दाखवली, आता त्यांच्या घरात उभं राहायला सुद्धा कार्यकर्ता उरला नाही, असं नवनीत राणा म्हणाल्या.
