चाळीसगाव : चाळीसगाव तालुक्यातून एक खळबळजनक घटना समोर आलीय. प्रेम विवाह केल्याच्या रागातून भावाने बहिणीच्या सासऱ्याच्या मानेवर धारदार हत्याराने वार करून खून केल्याची घटना घडलीय. या खुनामुळे चाळीसगावमध्ये मोठी खळबळ उडाली आहे. दगडू वामन खैरनार (गढरी, वय ५३) असे मृताचे नाव असून याबाबत पोलिस संशयित आरोपी भावाचा शोध घेत आहेत.
नेमकी काय आहे घटना?
मेहूणबारे येथील संशयित सचिन राजेंद्र चव्हाण याने बहिणीच्या प्रेमविवाहाच्या कारणावरून रागाच्या भरात दगडू खैरनार यांच्या मानेवर धारदार हत्याराने वार करून जीवे ठार केल्याप्रकरणी दीपक दगा गढरी (रा. मेहूणबारे) यांच्या फिर्यादीवरून सचिन चव्हाण याच्याविरोधात मेहुणबारे पोलिस ठाण्यात भादंवि कलम ३०२ प्रमाणे गुन्हा दाखल करण्यात आला आहे.
हे पण वाचा..
‘या’ राशीच्या लोकांना आज भाग्याची साथ मिळेल, जाणून घ्या तुमचे राशीभविष्य?
केळीची लागवड केव्हा व कशी करावी? जाणून घ्या कोणते वाण चांगले उत्पादन देतील
साबुदाणा खाण्याचे ‘हे’ फायदे तुम्हाला माहिती नसेल? वाचून चकित व्हाल
या घटनेचा तपास सहाय्यक पोलिस निरीक्षक विष्णू आव्हाड करत आहेत. दरम्यान, घटना घटल्यानंतर संशयित आरोपी फरार झाला असून पोलिसांनी त्याच्या शोधासाठी तीन पथके रवाना केल्याची माहिती तपास अधिकारी आव्हाड यांनी दिली.
