जळगाव (प्रतिनिधी) – कोरोना संसर्ग वाढत असल्याने जिल्हाधिकारी अभिजित राऊत यांनी दिनांक 13 व 14 मार्च रोजी चाळीसगाव , चोपडा या दोन नगरपरिषदांच्या हद्दीत दोन दिवसांसाठी निर्बंधचे आदेश आज पारित केले आहे. त्यामुळे जळगाव महानगर पाठोपाठ आता या दोन तालुक्यात निर्बंध घालण्यात आले आहे.
सार्वजनिक आरोग्य मंत्रालय यांचे 14 मार्च, 2020 रोजीच्या पत्रानुसार राज्यात साथ रोग प्रतिबंधात्मक कायदा, 1897 लागू झाला आहे प्रत्येक जिल्ह्याचे जिल्हाधिकारी त्यांचे कार्यक्षेत्रात कोव्हिड 19 नियंत्रणासाठी सक्षम प्राधिकारी आहेत. मुख्यमंत्री यांनीही 16 फेब्रुवारी रोजी व्हिडीओ कॉन्फरन्सद्वारे उपाययोजनांचे निर्देश दिलेले आहेत.
जळगाव जिल्हयातील चोपडा, चाळीसगांव नगरपालिकांच्या हद्दीत निर्बंध लागू करणे आवश्यक असल्याने जिल्हयातील चोपडा व चाळीसगांव या नगरपालिका हद्दीत 13 मार्च रोजीच्या मध्यरात्रीपासून 14 मार्च रोजीच्या मध्यरात्रीपर्यंत निर्बंध लागू करण्यात आले आहेत.
हे राहील बंद….
सर्व बाजारपेठा, आठवड़ी बाजार बंद राहतील. किराणा दुकाने, अत्यावश्यक नसलेली इतर सर्व दूुकाने बंद राहतील. किरकोळ भाजीपाला / फळे रखरेदी-विक्री केंद्रे बंद राहतील. शैक्षणिक संस्था/शाळा / महाविद्यालय, खाजगी कार्यालये बंद राहलील, हॉटेल / रेस्टॉरेंट ( होम डिलीव्हरी, पार्सल वगळता ) बंद राहतील. सभा/ मेळावे/चेठका / धार्मिक स्थळे, सांस्कृतिक / धार्मिक व तत्सम कार्यक्रम बंद राहतील. शॉपींग मॉल्स / मार्केट, बार्बर शॉप, स्पा, सलून, लिकर शॉप बंद राहतील. गार्डन, पार्क, बगीचे सिनेमागृहे, नाट्यगृहे, व्यायामशाळा, जलतरण तलाव प्रेक्षकगूहे, क्रिडा स्पर्था, प्रदर्शने, मेळावे, संमेलने बंद राहतील. पानटपरी, हातगाडया, खाद्यपदार्थ विक्रोची ठिकाणे बंद राहतील.
हे राहील सुरु….
दुध विक्री केंद्रे, वैद्यकीय उपचार व सेवा, मेडीकल स्टोअर्स, अॅम्ब्युलन्स सेवा, आपत्ती व्यवस्थापनाशी संबंधित घटक” यांना सुट देण्यात आली आहे. 13 व 14 मार्च रोजी पूर्व नियोजित परिक्षा असल्यास परीक्षार्थी व परिक्षेकरीता नेमण्यात आलेल्या अधिकारी /कर्मचारी यांना या निर्बधातून सुट राहील.
