नंदुरबार : पिकअप वाहन चढावर चढतांना वाहनाचा जॉईट क्रॉस तुटला. यामुळे वाहन चालकाचा ताबा सुटल्याने गाडी थेट ५० फूट पुलावरून खोल दरीत कोसळले आहे. यात एकाचा जागीच मृत्यू झाला असून तीन जण गंभीर जखमी झाल्याची घटना जिल्ह्यातील अतिदुर्गम धडगाव तालुक्यातील गुडांचापाडा येथे घडली.
डोंगराळ भागात असलेल्या गुडांचापाडा परिसरातून धान्य भरून जात असलेल्या पिकअप वाहनाला अपघात झाला. यात आदीवासी नागरीक देखील बसलेले होते. त्रिशुल गावातून धडगाव बाजारपेठेत धान्य विक्रीसाठी येत असताना अपघात झाला. पिकअप वाहन चढावर चढतांना वाहनाचा जॉईट क्रॉस तुटला. यामुळे वाहन चालकाचा ताबा सुटल्याने गाडी थेट ५० फूट पुलावरून खोल दरीत कोसळले आहे.
डोंगराळ भागात सदर अपघात झाला असून, गाडी खोल दरीत कोसळल्याने यात एकाचा जागीच मृत्यू झाला आहे. तर अन्य तीन जण गंभीर जखमी झाल्याची प्राथमिक माहिती आहे. गंभीर जखमींना धडगाव ग्रामीण रुग्णालयात पुढील उपचारासाठी १०८ रुग्णवाहिकाद्वारे नेण्यात आले. तर घटनास्थळी धडगाव पोलीस ठाण्यातील अधिकारी व कर्मचारी दाखल झाले आहेत.
