मुंबई : देशात खाद्य तेलाचे दर गगनाला भिडले आहे. वाढत्या खाद्यतेलाने सर्वसामान्यांचे कंबरडे मोडली आहे. अशातच इंडोनेशियाने पामतेल निर्यातीला हिरवा कंदील दिला असून यामुळे लवकरच तेथून पामतेलाची आयात सुरू करण्यासाठी खाद्यतेल व्यापारी सज्ज झाले आहेत. सद्यस्थितीत गगनाला भिडलेले खाद्यतेलाचे दर यामुळे स्वस्त होण्याची आशा निर्माण झाली आहे.
इंडोनेशिया हा जगातील सर्वांत मोठा पामतेल निर्यातदार आहे. . परंतु इंडोनेशियाने व्यापारी युद्धामुळे मार्चपासून पामतेल निर्यात बंद केली होती. त्यात भर म्हणून रशिया-युक्रेन युद्धामुळे सूर्यफुल तेलाची आयातही रखडली होती.
भारतात तेल मागणीच्या ६० टक्के पामतेल हे इंडोनेशिया येथून आणले जाते. त्यापाठोपाठ सोयाबीन व सूर्यफुलाच्या तेलाचीही तेथून आयात केली जाते. इंडोनेशिया बंदीमुळे भारतात तेलाचे दर महागले होते.
दरम्यान, रशियाने १५ ते २० दिवसातून एक जहाज (सुमारे ६ लाख टन खाद्यतेल) मुंबईच्या बंदराकडे धाडले आहे. या सर्वांच्या परिणामातून खाद्यतेल उच्चांकावर स्थिरावले आहेत. परंतु आता इंडोनेशियाकडून सकारात्मक बातमी आल्याने खाद्यतेलाचे दर घटतील, अशी आशा आहे.
हे पण वाचा :
तरुणांनो उठा तयारीला लागा ; राज्यात लवकरच सात हजार पदांसाठी पोलीस भरती
सावत्र आईवर मुलाचा जडला जीव, लग्नही केलं; नंतर वडिलांनी गाठले पोलीस स्टेशन
बायकोला प्रियकराच्या मिठीत पाहिलं, हताश पतीने सुसाईड नोट लिहून घेतला गळफास
‘इंडोनेशिया सरकारला तेथील निर्यातदारांच्या दबावाखाली झुकावे लागले होते. निर्यात बंद केल्याचा तेथील स्थानिक व्यापाऱ्यांना फटका बसला. परंतु भारतीय आयातदारांनी याविषयी केलेली चर्चा व मुत्सद्देगिरी यशस्वी ठरली आहे. आता इंडोनेशियाहून २३ मेपासून पामतेलाची आयात सुरू होईल. यामुळे पुढील महिन्यात खाद्यतेलाचे दर कमी होण्यास सुरुवात होईल, अशी आशा आहे,’ असे असोसिएशनचे अध्यक्ष शंकर ठक्कर यांनी सांगितले.
खाद्यतेलाचे दर (रुपये/लिटर)
प्रकार मार्चमध्ये सद्यस्थितीत
पाम १२५-१३५ १४०-१४५
सोयाबीन १४५-१५० १६०-१७५
सूर्यफूल १५५-१६० १८५-१९५
शेंगदाणा १७५-१९५ १९५-२२५
राईसब्रान १४०-१४५ १६०-१७०
