एरंडोल : जळगाव जिल्ह्यात आत्महत्या करणाऱ्यांच्या प्रमाणात दिवसेंदिवस वाढ होत चालली आहे. यात जास्त तरुणांनाच समावेश आहे. एरंडोल येथे आणखी एका तरुणाने गळफास घेऊन आत्महत्या केलीय. दीपक संतोष पाटील (वय २९) असे मृत तरुणाचे आहे. आत्महत्या मागचे कारण अजून अस्पष्ट आहे. याबाबत एरंडोल पोलीस स्टेशनला अकस्मात मृत्यूची नोंद करण्यात आली आहे.
एरंडोल येथील दीपक संतोष पाटील याच्या कुटुंबात आई-वडील भाऊ असा परिवार आहे. त्याच्याकडे चार बिघे शेती असून तो अविवाहित आहे. गुरुवारी रात्री जेवण करून नेहमीप्रमाणे रुमाल खांद्यावर टाकून तो बसस्थानकाकडे निघाला. त्यापूर्वी दहा ते पंधरा मिनिटे घरात थांबून आई-वडिलांच्या पाया पडला. त्याचा लहान भाऊ विनोद हा नगरपालिकेत खाजगी नोकरी करतो.
या घटनेबाबत मूर्त तरुणाचा भाऊ विनोद पाटील याने एरंडोल पोलीस स्टेशनला खबर दिली. रुमालाचा गळफास घेऊन दीपक याने आपली जीवन यात्रा संपवली. दीपक हा रात्री बराच वेळ पर्यंत घरी परतला नाही म्हणून त्याचा शोध घेण्यात आला. शेवटी बसस्थानक आवारात निंबाच्या झाडाखाली गर्दी दिसली. त्यावेळी त्या ठिकाणी दीपकची ओळख पटली. पोलीस घटनास्थळी दाखल झाले. दीपकचे प्रेत खाली उतरवून खाजगी वाहनाने एरंडोल ग्रामीण रुग्णालयात नेण्यात आले.
