धनगर समाज संघर्ष समिती आयोजित पुण्यश्लोक अहिल्याबाई होळकर सोहळा साजरा : समाज कन्या पी एस आय माधुरी कंखरे,राज्यस्तरीय आदर्श शिक्षक पुरस्कार प्राप्त विशाल परदेशी यांचा खासदारांच्या हस्तेसन्मान
चाळीसगाव – समस्त बदरखे ग्रामस्थ ,आखतवाडे, मोहळाई,कुसुंबा ग्रामस्थ ,नमो महाराष्ट्र शाखा,धनगर समाज उन्नती मंडळ तसेच पुण्यश्लोक अहिल्याबाई होळकर सोहळा समितीच्या वतीने जळगाव लोकसभेचे नवनिर्वाचित खासदार उन्मेष पाटील यांचा नागरी सत्काराचे आयोजन आज सायंकाळी सात वाजता आयोजित करण्यात आला होता. ग्रामपंचायत कार्यालयाच्या आवारात संपन्न झालेल्या या कार्यक्रमाला जिल्हा परिषदेच्या अध्यक्षा नामदार उज्वलाताई पाटील, पाचोरा विधानसभेचे आमदार किशोर आप्पा पाटील, जिल्हा परिषदेचे शिवसेनेचे गटनेते रावसाहेब पाटील, पाचोरा पंचायत समितीचे सभापती बन्सीलाल पाटील, रा स प चे जिल्हा अध्यक्ष गणेश जाणे, नमो ग्रुप फाउंडेशनचे राज्य अध्यक्ष प्रमोद परदेशी, पहूर चे सरपंच रामेश्र्वर पाटील ,धनगर समाज उन्नती मंडळ अध्यक्ष डोंगरसिंग परदेशी , नगरसेवक नितीन पाटील, मा. सरपंच गोकुळ परदेशी, भगवान गढरी, नमो ग्रुप फाउंडेशनचे उपाध्यक्ष डॉ केयुर चौधरी, जिल्हा अध्यक्ष भूषण पाटील यांच्या सह राज्यभरातील धनगर समाज बांधव व समस्त बदरखे ग्रामस्थ ,आखतवाडे, मोहळाई,कुसुंबा, नमोमहाराष्ट्र शाखा , धनगर समाज उन्नती मंडळ तसेच पुण्यश्लोक अहिल्याबाई होळकर सोहळा समितीचे पदाधिकारी कार्यकर्ते उपस्थित होते.कार्यक्रमाच्या सुरुवातीला पुण्यश्लोक अहिल्यादेवी होळकर यांच्या प्रतिमेचे पूजन करण्यात आले.
