जळगाव : एकीकडे अवकाळी पावसाने शेतकऱ्यांचे अतोनात नुकसान केलं असून दुसरीकडे कापसाला मागील काही दिवसापासून भाव नसल्याने शेतकरी हवालदिल झाला होता. परंतु गेल्या महिन्याच्या तुलनेत या एप्रिल महिन्यात चांगला दर मिळत आहे.
बाजारात कापसाच्या दरात जवळपास 500 ते 700 रुपये पर्यंत वाढ झाली आहे. यामुळे कापूस उत्पादक शेतकऱ्यांना दिलासा मिळत आहे. खरं पाहता गेल्या महिन्यात म्हणजेच मार्च महिन्यात कापसाला खूपच नगण्य भाव मिळत होता. कापूस 7200 ते 7500 रुपये प्रति क्विंटल पेक्षा कमी भावात विकला जात होता. अशा परिस्थितीत शेतकऱ्यांच्या मालाला चांगला भाव मिळत नसल्यानेशेतकऱ्यांनी कापसाची घरातच साठवणूक करून ठेवली.
हे पण वाचा..
प्रवाशांसाठी खुशखबर..! पुणे-कानपूर दरम्यान धावणार स्पेशल रेल्वे, भुसावळला असेल थांबा..
चॉकलेटच्या बहाण्याने चिमुकलीला झोपडीत नेलं अन्.. महाराष्ट्र हादरला
नागरिकांनो..! वाढत्या उष्णतेपासून अशी घ्या काळजी
राज्य मंडळाच्या शाळा ‘या’ तारखेपासून सुरू होणार
शेतकऱ्यांना किमान दहा हजार रुपये प्रति क्विंटल एवढा कापसाला भाव मिळेल अशी आशा होती. मात्र दरात शेतकऱ्यांच्या अपेक्षेप्रमाणे तेजी आली नाही. परंतु गेल्या महिन्याच्या तुलनेत या एप्रिल महिन्यात चांगला दर मिळत आहे. सध्या बाजारात कापूस 7800 रुपये प्रति क्विंटल ते 8200 रुपये प्रति क्विंटल पर्यंत विक्री होत आहे. काही बाजारात मात्र यापेक्षा अधिक भाव मिळत आहे.
