नवी दिल्लीः आयकर विभागाने सुविधेसाठी पॅन नंबर ऐवजी १२ आकडी आधार नंबर देण्याची मुभा करदात्यांना दिलीय. पण असं करताना तुम्हाला खूप काळजी घ्यावी लागणार आहे. कारण चुकीचा आधार नंबर दिल्यास तुम्हाला १० हजार रुपयांचा जबर दंड भरावा लागू शकतो.
वित्त विधेयक २०१९ मधील १९६१च्या नियमातील दुरुस्तीनुसार पॅन नंबर ऐवजी आधार नंबर वापरण्यास नागरिकांना मंजुरी देण्यात आलीय. पण चुकीचा आधार नंबर दिल्यास १० हजार रुपयांच्या दंडाची तरतूदही करण्यात आलीय. पॅन ऐवजी तुम्ही आधार नंबर देत असाल त्यावेळी हा नियम लागू होतो. कर परतावा भरताना, बँक खातं, डिमॅट अकाउंट आणि ५० हजार रुपयांपेक्षा अधिकचे म्युच्युअल फंड किंवा बॉण्ड खरेदीवेळी पॅन नंबर बंधनकारक आहे, असं आयकर विभागाने म्हटलंय.
आधारसाठी नवे नियम
आधार नंबर हा युनिक आयडेंटिटी अथॉरिटी ऑफ इंडियाकडून युआयडीएआय देण्यात येतो. या प्रकरणात युआयडीएआय दंड करत नाही तर आयकर विभाग करतो. करदाता पॅन नंबरच्या नियमांचे पालन करण्यात अपयशी ठरल्यास त्याला दंड भरावा लागणार आहे. दंडाची ही रक्कम १० हजार रुपये आहे.
या कारणामुळे दंडा भरावा लागेल
१. पॅनच्या जागी चुकीचा आधार नंबर दिल्यावर
२. मोठ्या रकमेच्या व्यवहारावेळी आधार किंवा पॅन नंबर दिला नसल्यास
३. फक्त आधार नंबर देणं पुरसे नाही. तुम्हाला बायोटमेट्रीक आयडेंटिटी ऑथेंटिकेट करावी लागेल. पण ती करता नाही आली तर दंड भरावा लागेल.
याशिवाय तुम्ही दोन फॉर्म्सवर चुकीचा आधार नंबर दिला, तर तुम्हाला प्रत्येकी १०-१० हजार रुपये असा २० हजार रुपयांचा दंड भरावा लागेल. यामुळे फॉर्म भरताना आधार नंबर अचूक असेल याची दक्षता घ्या.
