जळगाव । माजी मंत्री तथा युवासेनेचे अध्यक्ष आदित्य ठाकरे हे आज शनिवारी (दि. २०) जळगाव जिल्हा दौर्यावर येत आहेत. पाचोरा, धरणगाव व पारोळा येथे त्यांचा संवाद कार्यक्रम होणार आहे. शिंदे गटात गेलेल्या जिल्ह्यातील पाच आमदारांपैकी तीन आमदारांच्या मतदारसंघांत हा कार्यक्रम होणार आहे. मात्र, त्यांच्या या दौऱ्यावर मंत्री गिरीश महाजन यांनी टोला लगावला आहे. सर्व मावळे निघून गेल्यावर आता दौरे करत आहेत. हे आधीच करायला हवं होतं, असं मंत्री गिरीश महाजन म्हणाले.
गेल्या काही प्रकृती अस्वास्थामुळे आदित्य ठाकरे यांचा नियोजित दौरा ऐनवेळी रद्द झाला होता. मात्र, आज ते जिल्हा दौऱ्यावर येत आहे. मात्र त्यांच्या या दौऱ्यावर गिरीश महाजन यांनी टोला लगावला. सर्व मावळे निघून गेल्यावर आता दौरे करत आहेत. हे आधीच करायला हवं होते. तसेच एकनाथ शिंदेंनी ५० गोविंदांना घेऊन राजकारणात मोठी दहीहंडी फोडली, असेही ते म्हणाले. तसेच मंत्रीमंडळ विस्तारावर अनेक नाराज असल्याचे बोललं जात आहे. मात्र यावर बोलताना कोणीही नाराज नसून लवकरच दुसरा विस्तार होईल असंही ते म्हणाले.
हे पण वाचा :
पोलिसांना लॉजवर १३ जोडपी आक्षेपार्ह अवस्थेत आढळली; मुली म्हणाल्या..
AMUL, मदर डेअरीनंतर आता ‘या’ ब्रँडचे दूधही महागले, आजपासून नवे दर जारी
फिनलंडच्या PM सना मरिनचा पार्टीमधील डान्सचा Video व्हायरल
आदीत्य ठाकरेंचा असा आहे नियोजित दौरा
शनिवारी सकाळी १०.४० वाजता यांचे जळगाव विमानतळावर युवासेना ग्रामीणतर्फे तर त्यानंतर अजिंठा चौफुली येथे स्वागत होईल. इच्छादेवी चौक, आकाशवाणी चौक, काव्यरत्नावली चौक, डीमार्ट चौक, शिरसोली रस्त्याने पाचोरा येथे जाणार आहेत. आकाशवाणी चौकात शिवसेना व युवासेनेतर्फे त्यांचे स्वागत करण्यात येणार आहे. शिवसेनेतून आमदार किशोर पाटील यांच्या पाचोरा मतदारसंघात दुपारी १२ वाजता आदित्य शिवसंवाद साधणार आहेत. दुपारी १.४५ वाजता पाणीपुरवठा व स्वच्छतामंत्री गुलाबराव पाटील यांच्या जळगाव ग्रामीण मतदारसंघात शिवसंवाद साधतील. त्यानंतर दुपारी ३ वाजता आमदार चिमणराव पाटील यांच्या मतदारसंघातील पारोळा येथे ते शिवसंवाद साधणार आहेत.
