मी ठामपणे सांगतो अशी काही गुप्त भेट वगैरे अजीबात झालेली नाही.आता तरी रहस्य कथेचा शेवट करा.अफवांची धुळवड थांबवा. हाती काहीच लागणार नाही असं शिवसेनेचे खासदार संजय राऊत यांनी ट्विट करुन शरद पवार व अमित शहा यांच्या भेटीच्या विषयावर पूर्णविराम देत विरोधकांना टोला लगावला आहे.
राष्ट्रवादी काँग्रेसचे अध्यक्ष शरद पवार आणि खासदार प्रफुल्ल पटेल यांनी गुजरात मध्ये भाजपाचे अमित शहा यांची भेट घेतल्याची गेल्या दोन दिवसापासून राजकीय वर्तुळात चर्चा सुरु आहे.गुजरात येथील एका वृत्तपत्राने या दोघांच्या भेटीचा दावा करुन महाविकास आघाडीत खळबळ उडवली आहे.
दरम्यान शरद पवार व प्रफुल्ल पटेल हे अहमदाबादमधून थेट मुंबईला आले. ही बातमी म्हणजे हे भाजपचे ‘षडयंत्र’ असून शरद पवार यांनी अमित शाह यांची भेट घेतल्याची बातमी केवळ अफवा असल्याचं स्पष्टीकरण राष्ट्रवादीचे नेते नवाब मलिक यांनी कालच दिले आहे.
