जळगाव : शिंदे गटाचे मंत्री गुलाबराव पाटील यांनी एक मोठा दावा केला आहे. त्यामुळे राजकीय वर्तुळात चर्चेला उधाण आले आहे. राष्ट्रवादी पाठोपाठ आता काँग्रेसचे आमदारही फुटणार असल्याचा दावा गुलाबराव पाटील यांनी केला आहे.जळगावात प्रसारमाध्यमांशी संवाद साधला, त्यावेळी ते बोलत होते.
गुलाबराव पाटील म्हणाले की काँग्रेस मध्ये फूट पडेल पण ते कुणाकडे येतील ते सांगता येणार नाही पण येतील. ते येतील हे मी निश्चितपणाने ऐकलं आहे, असा दावा मंत्री गुलाबराव पाटील यांनी केला आहे.
अजित पवार हे भाजपसोबत येतील याबाबत कल्पना होती का? यावर बोलताना मंत्री गुलाबराव पाटील म्हणाले की, कुणालाच कल्पना नव्हती. मात्र, दोन महिन्यापूर्वीच तुम्हाला अंदाज सांगितलं होता, तो खरा ठरला असं गुलाबराव पाटील यांनी स्पष्ट केलं. ते येतील याबाबत मला कुठलीही माहिती नव्हती, असंही गुलाबराव पाटील यांनी सांगितलं.
