जळगाव, (प्रतिनिधी)- जामनेर तालुक्यातील भाजपा कार्यकर्त्यांनी पक्षाला सोडचिठ्ठी देत आज राष्ट्रवादी आणि नाथाभाऊ नेतृत्वाला स्वीकारल्यावर प्रवेश घेतलेले कार्यकर्ते हे भाजपचे नसल्याचा खुलासा जामनेर तालुका अध्यक्ष चंद्रकांत बाविस्कर यांनी केल्यानांत प्रवेश घेतलेल्या एका कार्यकर्त्याचे भाजपचं सदस्यत्व असलेले व आ. गिरीश महाजन यांच्या सोबतचे फोटोच व्हायरल करुन आम्ही भाजपाचे होतो या बाबत स्पष्टीकरण दिल आहे.
याबाबत सविस्तर असे की, आज जामनेर तालुक्यातील दोनशे भाजपच्या कार्यकर्त्यांनी माजी मंत्री एकनाथ खडसेंच्या नेतृत्वात प्रवेश केल्याने चांगलीच खळबळ उडाली तर दिवसभर राजकीय वर्तुळात जामनेर भाजपाला खिंडार पडल्याची चर्चा रंगली असतांना आज राष्ट्रवादी पक्षात प्रवेश केलेले कार्यकर्ते भाजपचे नसल्याची भूमिका घेऊन भाजपा तालुकाध्यक्ष चंद्रकांत बाविस्कर यांनी कार्यकर्त्यांच्या पक्षप्रवेशावर प्रश्नचिन्ह उपस्थित केला आहे. अखेर एका कार्यकर्त्याचे काही फोटो सोशल मीडियावर व्हायरल झाले असून भाजपा सदस्यत्वाचा पुरावाच असल्याचं दाखविण्यात आलं आहे.
यावरून आता जे जे भाजप सोडून जातील ते भाजपचे कधीच नव्हते, असेच चित्र रंगविण्यात येईल जेणेकरून उरलेल्या सुरलेल्यांना धीर येईल. असं कदाचित भाजपा च्या नेत्यांना वाटतं असाव म्हणूनच ते असे उसने आवसान आणत आहेत असं राष्ट्रवादी मध्ये प्रवेश केलेल्या कार्यकर्त्याने सांगितले
