प्रसिद्ध अभिनेता आमीर खान नेहमीच आपल्या उत्कृष्ट अभिनयाने चाहत्यांच्या मनावर राज्य केलं आहे आता आमीर खान प्रसिद्ध वकील उज्ज्वल निकम यांच्यावर निघत असलेल्या चित्रपटात (बायोपिकमध्ये) भूमिका साकारू शकतो अशी माहिती मिळत आहे.या चित्रपटात प्रसिद्ध वकील उज्ज्वल निकम यांची भूमिका आमीर खान करू शकतो अशी माहिती मिळत आहे.
राज्यातील नामवंत विधितज्ञ म्हणून ज्यांच्या कडे पाहिले जाते ते म्हणजे ऍड. उज्वल निकम त्यांनी राज्यातील अनेक गंभीर खटल्यांमध्ये उत्कृष्ट कामगिरी करत न्याय मिळवून दिला आहे वकील आहेत. सरकारी वकील म्हणून त्यांनी अनेक बहुचर्चित खटल्यांमध्ये महत्त्वाची कामगिरी बजावली. दहशतवादी अजमल कसाब विरुद्ध खटल्यात सरकारी वकील म्हणून काम पाहिले आहे.1993 बॉम्बस्फोट प्रकरण, गुलशन कुमार हत्या, 26-11 दहशतवादी हल्ला, शक्तीमिल बलात्कार प्रकरण, कोपर्डी बलात्कार आणि हत्या अशा विविध प्रकरणांमध्ये विशेष सरकारी वकील म्हणून कामगिरी बजावणारे म्हणून उज्ज्वल निकम यांची ख्याती आहे.
.
दिनेश विजन या दिग्दर्शकाला उज्ज्वल निकम यांच्यावर चरित्रपट करायचा होता. त्याचं काम सुरू असल्याची माहिती मिळत आहे.दिनेश विजन यांनी कलाकारांचा शोध सुरू केल्यानंतर त्यांच्यासमोर आमीरचं नाव आलं. आमीर या भूमिकेसाठी योग्य असल्याचं मत विजन यांनी पिंकविलाने दिलेल्या वृत्तात म्हटलं आहे. याखेरीज आमीर पाच चित्रपटांच्या रिमेकची निर्मिती करणार आहे. द चॅम्पियन्स, जय जय जय हे, प्रीतम प्यारे, लापता लेडीज आणि लव्ह टुडे या चित्रपटांचा समावेश आहे.
