अमळनेर – अमळनेर नगरपरिषदेत दिव्यांगांना ३%निधीचे वाटप आज दि.25 जुलै 2019 रोजी वाटप करण्यात आले असून ओमप्रकाश उर्फ बच्चूभाऊ कडू संस्थापक अध्यक्ष प्रणित प्रहार जनशक्ती पक्ष व प्रहार अपंग क्रांती आंदोलनास मोठे यश मिळाले आहे.
प्रहार जनशक्ती पक्ष तालुका अध्यक्ष पंकज पाटील व प्रहार अपंग क्रांती संस्था शहराध्यक्ष योगेश पवार यांनी नोव्हेंबर २०१७ पासून नगरपरिषदेस निवेदन देऊन दिव्यांग बांधवांसाठी ३%निधी राखीव ठेवून तो दिव्यांगांसाठी खर्च करण्यात यावा. यासाठी आंदोलन व लेखी तक्रारी अमळनेर नगरपालिकेत केल्या होत्या.
या पार्श्वभूमीवर मा.आ.कृषिभूषण साहेबराव पाटील यांनी या दिव्यांग विषयाचे गांभीर्य बघता नगरपरिषदेस मार्गदर्शन करत लोकनियुक्त नगर अध्यक्षा मा.सौ.पुष्पलताताई साहेबराव पाटील व मुख्याधिकारी सौ.शोभा बाविस्कर यांनी सकारात्मक चर्चा करून चालू वित्तीय वर्षा साठी १३४ लाभार्थींना प्रत्येकी ७००० प्रमाणे ९ लाख ३८ हजार रुपये लाभार्थी बँक खात्यात जमा करून जळगाव जिल्ह्यातील 2 दुसऱ्या क्रमांकावर अमळनेर च्या इतिहासात पहिल्यांदा अपंग निधी वाटप करण्यात आला.
अपंग हिताच्या या कार्यक्रमात लोकनियुक्त नगराध्यक्षा सौ.पुष्पलताताई साहेबराव पाटील, मुख्याधिकारी सौ.शोभा बाविस्कर , संजय चौधरी , प्रहार तालुकाध्यक्ष पंकज पाटील , प्रहार शहराध्यक्ष योगेश पवार तालुका अध्यक्ष दीपक पाटील,धुळे जिल्हाध्यक्ष शशिकांत सुर्यवंशी , धुळे प्रहार सह खजिनदार व धुळे शहर अध्यक्ष अड कविता पवार यांच्या नेतृत्वाखाली सदर कार्यक्रम पार पाडण्यात आला.
