मुंबई –अभिनेत्री आलिया भट ने नुकत्याच एका जाहिरातीत काम केले असून त्या जाहिरातीने सोशल मीडियावर प्रचंड व्हायरल झाल्याने या जाहिरातीतून धार्मिक भावना दुखावल्याच्या कारणावरून आलिया भट विरोधात मुंबई पोलिसात तक्रार अर्ज करण्यात आल्याने आलिया भटच्या अडचणी वाढणार असल्याचं बोललं जात आहे.
काय आहे प्रकरण….
अभिनेत्री आलिया भट्ट नुकतीच ‘मान्यवर’या प्रसिद्ध कपड्यांच्या जाहिरातीत झळकली असून आलियाची ही जाहिरात सोशल मीडियावर प्रचंड व्हायरल झाली असतांना यामुळे जाहिरातीमुळे ती प्रचंड चर्चेत आली आहे. या जाहिरातीत अभिनेत्री आलिया भट्ट ही कन्यादान प्रथेविषयी बोलताना दिसत आहे. मात्र या जाहिरातीमुळे हिंदू धर्माचा अपमान झाल्याचं सांगत नेटकऱ्यांनी तिला ट्रोल केले आहे.
आता एका व्यक्तीने थेट पोलीस स्टेशन गाठत सांताक्रूज पोलीस ठाण्यात तक्रार दाखल केल्याची माहिती समोर आली आहे. या जाहिरातीमुळे हिंदूंच्या भावना दुखावल्याचे कारण देत या तक्रारदाराने आलियाच्या व कंपनीच्या विरूद्ध तक्रार दाखल केल्याची माहिती आहे.
