पुणे : सोशल मीडियावर दररोज काहीना काही व्हिडीओ व्हायरल होत असतात. ते तुफान व्हायरल होऊन जातात. अशातच आता पुण्यातून एक व्हिडीओ समोर आला असून त्यात चौकात भर दिवसा एका जोडप्याने एकमेकांना मिठी मारली. या कृत्यामुळे आजूबाजूच्या सगळ्या लोकांचे डोळे त्यांच्याकडे लागले आहे. इतकचं काय तर चौकात ट्रॅफिक जॅम झाला.
अखेर वाहतूक पोलिसांनी या जोडप्याला रस्त्यातून बाजूला केलं. हा व्हिडिओ नेमका कुठला आहे हे कळलं नसलं तरी सुद्धा व्हायरल झालेल्या व्हिडिओ वरुन आता पुणेकर चांगलेच संतापले आहेत. हा व्हिडिओ सध्या सोशल मिडियावर व्हायरल झाला आहे.
भर चौकात त्यांनी मारली मिठी, पुण्यातील 'तो' व्हिडिओ सोशल मीडियावर व्हायरल#Pune #socialmedia #VideoViral pic.twitter.com/qMJmQibGMc
— Ankita Shantinath Khane (@KhaneAnkita) April 2, 2023
दरम्यान मुंबईतही एक तरुण आणि दोन तरुणींचा बाईकवर स्टंट करतानाचा एक व्हिडीओ समोर आला आहे. मात्र स्टंट करणं तिघांना चांगलच महागात पडलं आहे. चौघांविरोधात पोलिसात गुन्हा दाखल करण्यात आला आहे.
सोशल मीडियावर व्हायरल होत असलेला हा व्हिडीओ वांद्रे- कुर्ला कॉम्पेक्स येथील आहे. व्हिडीओतील दृष्यांनुसार एक तरुण बाईक चालवताना दिसत आहे. तर एक तरुणी त्यांच्या मागे तर एक मुलगी त्यांच्या पुढे बसली आहे. ट्रिपल सीट बसून यांनी वाहतूक नियमांची अक्षरश: ऐसीतैसी केल्याचे दिसून आले.
