बुलढाणा : अनैतिक प्रेमसंबंधांत अडथळा ठरत असलेल्या पतीची पत्नीने हत्या केल्याची घटना बुलढाणा जिल्ह्यातील लोणार तालुक्यात घडलीय. पत्नीने आपल्या प्रियकरासोबत मिळून पतीची हत्या केली आहे. आणि या सर्वात धक्कादायक बाब म्हणजे ही हत्या करण्यात आरोपी पत्नीला तिच्याच अल्पवयीन मुलाने मदत केली आहे.
नेमकं काय आहे प्रकरण?
बुलढाणा जिल्ह्यातील लोणार तालुक्यात येणार्या भुमराळा गावात एका महिलेने आपल्या मुलाच्या आणि प्रियकराच्या मदतीने आपल्या पतीची हत्या केली आहे. आरोपी महिलेने आपला अल्पवयीन मुलगा आणि प्रियकर ज्ञानदेव आघाव या दोघांच्या मदतीने पती रामदास सरकटे यांची दोरीने गळा आवळून हत्या केली.
हे पण वाचा :
आता लवकरच मिळेल कन्फर्म सीट! रेल्वेने सुरू केली ‘ही’ नवी सेवा, कसे बुक करायचे ते जाणून घ्या
तर देवेंद्र फडणवीसही शिवसेनेला मतदान करतील ; संजय राऊत
बॉम्बे हायकोर्टात नोकरी करण्याची संधी.. अर्ज कसा कराल??
गिरीश महाजनांचे पीए अरविंद देशमुखांनी जिंकली १ लाखाची पैज, पण..
पुरावा नष्ट करण्याचा प्रयत्न
आरोपी पत्नीने प्रियकर ज्ञानदेव आघाव याच्या साहाह्याने पती रामदास सरकटे यांची दोरीने गळा आवळून हत्या केली. त्यानंतर पुरावा नष्ट करण्याच्या उद्देशाने त्यांनी पतीचा मृतदेह विहिरीत नेऊन टाकला. मात्र पोलिसांनी या प्रकरणाचा केवळ बारा तासांच्या आत छडा लावला. पोलीस या प्रकरणाचा अधिक तपास करत आहेत.
