भडगांव,(प्रमोद सोनवणे)- शहरासह तालुक्यात कोरोना रुग्णांच्या संख्येत वेगाने वाढणाऱ्या संख्येच्या पार्श्वभूमीवर जिल्हाधिकारी अभिजित राऊत यांच्या आदेशाने १९ मार्च ते २१ मार्च (शुक्रवार, शनिवार, रविवार) भडगाव शहरातील नगर परिषद हद्दीत लॉकडाऊन करण्याचे आदेश दिले होते. शहरात अत्यावश्यक सेवा दवाखाने,मेडिकल, दुध डेअरी,बँका,शासकीय निमशासकीय कार्यालये इत्यादी सेवा वगळता कडकडीत बंद करीत लॉक डाऊनचे पालन करण्यात आले होते.
मेन रोड च्या मुख्य बाजार पेठेत दवाखाने,मेडिकल वगळून मात्र इतर दुकाने बंद होते. पारोळा चौफुली, पाचोरा चौफुली, बाळद रस्ता, मेन रोड, तहसील कार्यालय, यशवंत नगर,या ठिकाणी शुकशुकाट होता. तहसिलदार सागर ढवळे, पोलिस निरीक्षक अशोक उतेकर, मुख्याधिकारी विकास नवाळे हे शहरात गस्त घालत होते. तसेच ठीक ठिकाणी पोलिस कर्मचारी, महसूल विभागाचे कर्मचारी, नगरपालिका कर्मचारी यांनी चोख बंदोबस्त ठेवला आहे .
