राज्य सरकारी कर्मचाऱ्यांचा गेल्या ७ दिवसापासून सुरु असलेल्या संपावर अखेर मुख्यमंत्री एकनाथ शिंदे यांच्या सोबत झालेल्या बैठकीत तोडगा निघाला असून कर्मचाऱ्यांचा संप मागे घेण्यात आला असून उद्या मंगळवार पासून कर्मचारी नियमित आपल्या सेवेच्या ठिकाणी हजर होणार आहे.आज झालेल्या बैठकीत राज्य शासनाने केलेल्या आवाहनाला कर्मचारी व राजपत्रित अधिकारी संघटनांनी सकारात्मक प्रतिसाद दिल्याने संप मागे घेण्याच्या निर्णय संघटनानी घेतला आहे.
पेन्शन देण्याबाबत सरकार सकारात्मक
आज संघटना सोबत झालेल्या बैठकीत मुख्यमंत्री एकनाथ शिंदे यांनी सांगितलं की, जुनी पेन्शन देण्याबाबत सरकार सकारात्मक आहे.राज्यासमोर असलेल्या आव्हानांचा विचार करता राज्य सरकारी, निमसरकारी कर्मचाऱ्यांनी संवेदनशीलतेने घेतलेल्या या निर्णयाचे मी स्वागत करतो, असं मुख्यमंत्री यावेळी म्हणाले. कर्मचाऱ्यांच्या मागणीबाबत राज्य शासन पूर्णतः सकारात्मक असून याकरिता स्थापन करण्यात आलेल्या समितीचा अहवाल लवकरात लवकर प्राप्त करून त्यावर उचित निर्णय घेण्यात येईल, असेही मुख्यमंत्र्यांनी यावेळी सांगितलं.
संप मागे घेण्याची घोषणा….
मुख्यमंत्री एकनाथ शिंदे यांची कर्मचारी संघटनेसोबत विधान भवनात बैठक झाली.या बैठकी दरम्यान सकारात्मक चर्चा झाली जुनी पेन्शन योजना लागू होईल, असं आश्वासन मुख्यमंत्री एकनाथ शिंदे यांनी दिले त्यानंतर संप मागे घेण्याचा निर्णय घेतला आहे.
