बीड : बीड जिल्ह्यातील परळी तालुक्यातुन अत्याचाराची एक धक्कदायक बातमी समोर आलीय. शेतात काम करणाऱ्या एका 22 वर्षांच्या विवाहीत महिलेवर दोघा नराधमांनी बलात्कार केल्याचा खळबळजनक घटना समोर आल्यानंतर एकच संताप व्यक्त केला जातो आहे.
बलात्कार करुन दोघांनी या महिलेला जीवे मारण्याची धमकीदेखील दिली. ही महिला एकटी असल्याचा गैरफायदा दोघांनी तिच्यावर बलात्कार केलाय. या संतापजनक घटनेनं भयभीत झालेल्या पीडितेचं कसंबसं पोलीस स्थानक गाठलं आणि आपल्यासोबत घडलेला सगळा प्रसंग सांगितलं. त्यानंतर पोलिसांनी याप्रकरणी गुन्हा नोंद करुन घेत सामूहिक बलात्कारप्रकरणातील नराधमांना अटकही केली आहे. पोलीस अधिक्षक मारुती मुंडे यांनी याप्रकरणी अधिक माहिती दिली आहे.
मिरवट गावातील 22 वर्षांची पीडीत महिला ही शेतात आपल्या कुटुंबासोबत राहत होती. बुधवारी पीडित महिला आपल्या घरालगतच्या शेतात काम करत होती. यादरम्यान अंगद केशव भदाडे आणि साजन तिडके या नराधम आरोपींनी पीडिता एकटी असल्याचा फायदा घेत तिच्यावर सामूहिक बलात्कार केला. तर याबद्दल कुणाला सांगितलं, तर तुला आणि तुझ्या कुटुंबाला जीवे मारू, अशी धमकी दिली.
दोघांना अटक
याप्रकरणी 22 वर्षीय पीडितेच्या फिर्यादीवरून परळी ग्रामीण पोलीस ठाण्यात नराधम आरोपिंविरोधात 376 (ड), 323, 506 नुसार गुन्हा दाखल करण्यात आला असून अवघ्या 3 तासात नराधम आरोपींना परळी ग्रामीण पोलिसांनी अटक केलीय.
