जळगाव,(प्रतिनिधी)- गेल्या काही महिन्यापासून खुनाच्या घटना सुरु असतांना आज दिनांक १० जुलै रोजी पहाटेच्या सुमारास जळगाव येथील कारागृहात एका आरोपीचा खून झाल्याची घटना घडल्याने खळबळ उडाली, दोघा आरोपीमध्ये वादातून हत्या करण्यात आल्याची माहिती समोर आली आहे.
मिळालेल्या माहितीनुसार, भुसावळचे माजी नगरसेवक रवींद्र बाबूराव खरात ( वय ५५) यांची ७ ऑक्टोबर २०१९ रोजी भुसावळात हत्या करण्यात आली होती. या प्रकरणातील आरोपींना अटक करण्यात येउन त्यांना जळगाव येथील कारागृहात न्यायालयीन कोठळीत ठेवण्यात आले होते. दरम्यान, या खून प्रकरणातील एक आरोपी मोहसीन असगर खान याचे दुसरा आरोपी याच्याशी काल दुपारी भांडण झाले. दुपारपासूनच या दोघांमध्ये धुसफुस सुरू होती. या अनुषंगाने रात्री सुमारे दीड वाजेच्या सुमारास दुसर्या आरोपी याने मोहसीन असगर खान ( वय ३४) याच्यावर हल्ला चढवत त्याला गंभीर जखमी केले. असगरला तातडीने शासकीय रूग्णालयात दाखल करण्यात आले असता त्याला मृत घोषीत करण्यात आले.
