जामनेर : महसूल विभागात बदल्यांचे सत्र सुरू झाले असून गुरुवारी विविध संवर्गातील कर्मचाऱ्यांच्या बदल्या झाल्या. त्यात लिपिक, मंडळ अधिकारी, अव्वल कारकून यांचा समावेश असून जामनेर येथील मंडळ अधिकारी सतीश मधुकर इंगळे यांची भुसावळ तालुक्यातील कुऱ्हा (पानाचे) येथे बदली झाली आहे.
जामनेर मंडळ अधिकारी म्हणून पदभार सांभाळून त्यांना तीन वर्ष पूर्ण झाल्याने त्यांची बदली करण्यात आली असल्याचे आदेश नुकतेच प्रशासनाला प्राप्त झाले आहे.
मंडळ अधिकारी श्री.सतीश इंगळे यांच्या कार्यपद्धतीमुळे कार्यालयात अनेक बदल घडवून आणले होते. सर्वसामान्य जनतेचे काम वेळेवर करणे, कर्मचाऱ्यांशी समन्वय ठेवणे आणि शासनाचे महत्वाचे प्रकल्प चांगल्या पद्धतीने राबवणे त्यामुळे आजपर्यंत सर्वसामान्य जनतेला होणारा त्रास देखील श्री.इंगळे यांच्या कार्यपद्धतीमुळे कमी झाला होता. श्री.इंगळे यांच्या कृतीमुळे महसूल खात्याची प्रतिमा उंचावली होती. त्यामुळे जामनेर मंडळ अधिकारी या पदावर नवीन येणाऱ्या अधिकाऱ्यांस हे सर्व टिकवून ठेवण्याचे आव्हान स्वीकारावं लागणार आहे.
