जागावाटप राहू द्या, पुण्यातील पूरस्थितीकडे लक्ष द्या-भुजबळ

पुण्यात बुधवारी रात्री मुसळधार पाऊस कोसळला. पुण्यातील रस्ते पाण्याखाली गेले. वाहनेही वाहून गेली. आतापर्यंत ११ जणांचा मृत्यू झाला असून, चार जण अद्याप बेपत्ता आहेत. अनेकांचे संसार उद्ध्वस्त झाले. पुण्यातील पूरपरिस्थितीकडे सरकारचे दुर्लक्ष होत असल्याचा आरोप विरोधकांकडून केला जात आहे. तिकीटवाटपाला दोन दिवस उशीर झाला तरी चालेल, पण आधी पुण्यातील पूरपरिस्थितीकडे लक्ष द्या. मदतकार्याला उशीर झालेला चालणार नाही, असं भुजबळ म्हणाले.