जळगाव जिल्हा उद्यापासून अनलॉक ; जाणून घ्या नवीन नियमावली

Spread the love

जळगाव प्रतिनिधी : जळगाव जिल्ह्यात उद्या ७ सोमवारपासून जिल्ह्यात अनलॉक जाहीर करण्यात आला आहे. त्यानुसार उद्यापासून जिल्ह्यात सर्व दुकाने, रेस्टॉरंट, मॉल्स, बार रात्री 9 वाजेपर्यंत 50% क्षमतेने सुरू होणार असल्याचे आदेश आज जिल्हाधिकारी अभिजित राऊत यांनी निर्गमित केले आहे.

राज्याचे मदत व पुनर्वसन मंत्री विजय वडेट्टीवार यांनी काही दिवसांपूर्वी राज्यातील कमी पॉझिटीव्हीटी दर असणार्या १८ जिल्ह्यांमध्ये पूर्णपणे अनलॉक होणार असल्याची घोषणा केली होती. यानंतर दोन दिवसांची अखेर राज्य सरकारने नोटिफिकेशन जाहीर केले होते. यानुसार राज्यात पॉझिटीव्हीटीचा दर आणि ऑक्सीजन बेडवरील रूग्ण कमी असणार्‍या जिल्ह्यांमध्ये पूर्णपणे अनलॉक करण्यात येणार असल्याचे सूचित करण्यात आले होते. त्या जिल्ह्यांमध्ये जळगावचा समावेश असल्यामुळे उद्यापासून अनलॉकबाबतचे निर्देश जारी करण्यात आले आहेत.

जाणून घ्या काय सुरु काय बंद राहणार?

१) सर्व अत्यावश्यक सेवेची आणि इतर दुकाने : जिल्ह्यातील सर्व दुकाने ही नियमितपणे रात्री नऊ वाजेपर्यंत उघडी राहतील. मात्र यासाठी सॅनिटायझेानसह अन्य नियमांचे पालन करावे लागले. दुकानात एका वेळी पाच पेक्षा ग्राहक नसावेत याची काळजी घ्यावी लागेल.

२) शॉपींग मॉल, मल्टीप्लेक्स आणि सिंगल स्क्रीन सिनेमागृहे : ५० टक्के क्षमतेसह खुली राहतील

३) हॉटेल, उपहारगृहे आदी : सकाळी नऊ ते रात्री नऊपर्यंत ५० टक्के क्षमतेसह खुली राहतील

४) मैदाने, जॉगींग ट्रॅक, सार्वजनीक ठिकाणे, सायकलींग : पूर्ववत सुरू करण्यात येतील.

५) सर्व खासगी कार्यालये : पूर्ववत पूर्ण वेळ खुली राहतील.

६) शासकीय कार्यालये : पूर्ण क्षमतेने खुली राहतील

७) क्रीडा/शुटींग आदी : आधीप्रमाणे नियमित राहतील. मात्र ५० टक्के क्षमता असावी.

८) सामाजिक, सांस्कृतीक व मनोरंजनपर कार्यक्रम : दोन तासांच्या आत कार्यक्रम उरकावा लागेल. फक्त १०० लोकांची उपस्थितीला मान्यता.

९) विवाहादी व अंत्यंस्कार : फक्त ५० जणांना परवानगी.

१०) निवडणुका : सर्व निवडणुकांच्या प्रक्रियेला परवानगी

११) कृषी संबंधीत दुकाने व कामे : पूर्ववत परवानगी

१२) बांधकाम : कोणतेही निर्बंध नाहीत

१३) जीम/सलून/ब्युटी पार्लर आदी : ५० टक्के क्षमतेसह सुरू राहतील.