जळगाव;- शहरतील टॉवर चौकात आज दुपारी एक वाजेच्या सुमारास एका कारने दुचाकीला धडक दुचाकी डिव्हायडवर जाऊन आदळल्याने तरुण जखमी झाला . तसेच अपघात करून कार चालक कार घेऊन पळत असताना ट्राफिक पोलिसांनी कारला पकडून पोलीस स्टेशनला आणले.
याबाबत माहिती अशी कि सुप्रीम कॉलनीतील रहिवाशी आसिफ खान हे दुचाकीने जिल्हा परिषदेकडून आपल्या घरी जात असताना टॉवर चौकाच्या अलीकडे कार क्रमांक एमएच -३०-एझेड ७५५३ ने मागून धडक दिली . याधडकेत दुचाकी डिव्हायडरला आदळून आसिफ खान हे जखमी झाले . याघटनेनंतर कारचालकाने पळ काढण्याचा प्रयत्न केला असता वाहतूक पोलीस रफिक शेख, अव्प्नाली सोनवणे आणि ट्राफिक वार्डन संजय महाजन यांनी कारला अडवून चालकासह शहर पोलीस ठाण्यात आणले . तर जखमींवर खासगी रुग्णालयात उपचार सुरु आहेत . दरम्यान अपघाताबाबत उशिरापर्यंत नोंद करण्याचे काम सुरु होते.
