मुंबई : तुम्ही स्टेट बँक ऑफ इंडियाचे (SBI) ग्राहक असाल तर ही बातमी तुमच्यासाठी आहे. सार्वजनिक क्षेत्रातील सर्वात मोठ्या बँकेने मार्जिनल कॉस्ट ऑफ लेंडिंग रेट (MCLR) 10 बेसिस पॉइंट्सने वाढवून ग्राहकांना मोठा धक्का दिला आहे. बँकेच्या वेबसाइटनुसार, हा बदल 15 एप्रिलपासून लागू झाला आहे.
कर्जाचा EMI वाढेल
MCLR वाढल्याने गृहकर्ज, वैयक्तिक कर्ज आणि वाहन कर्ज महाग होणार आहे. याचा थेट परिणाम तुमच्या EMI वर होईल. SBI च्या वेबसाइटनुसार, एका रात्रीपासून ते तीन महिन्यांपर्यंतच्या ग्राहकांसाठी मार्जिनल कॉस्ट लेंडिंग रेट (MCLR) 6.65% ऐवजी 6.75% असेल.
हे आहेत नवीन दर
याशिवाय 6 महिन्यांसाठी 6.95 टक्क्यांऐवजी MCLR 7.05 टक्के असेल. त्याच वेळी, एका वर्षासाठी 7.10% MCLR, दोन वर्षांसाठी 7.30% आणि तीन वर्षांसाठी 7.40.
MCLR म्हणजे काय?
भारतीय रिझर्व्ह बँक (RBI) ने 2016 मध्ये MCLR प्रणाली सुरू केली होती. हा कोणत्याही वित्तीय संस्थेसाठी अंतर्गत बेंचमार्क आहे. MCLR प्रक्रियेत, कर्जासाठी किमान व्याजदर निश्चित केला जातो.
