इलेक्ट्रॉनिक्स कॉर्पोरेशन ऑफ इंडिया लिमिटेड (ECIL) मध्ये भरती निघाली आहे. यासाठीची अधिसूचना जारी करण्यात आली आहे. इलेक्ट्रॉनिक्स मेकॅनिक, इलेक्ट्रिशियन आणि फिटरमधील कनिष्ठ तंत्रज्ञांच्या पदांसाठी ही भरती आहे. या भरती प्रक्रियेच्या माध्यमातून तब्बल १६०० हून अधिक रिक्त पदे भरली जाणार आहेत. १ एप्रिल २०२२ पासून ऑनलाइन अर्ज प्रक्रिया सुरू झाली आहे. इच्छुक आणि पात्र उमेदवार ECIL च्या अधिकृत वेबसाइट careers.ecil.co.in वर जाऊन ऑनलाइन अर्ज करू शकतात.
रिक्त पदांचा तपशील
इलेक्ट्रॉनिक्स मेकॅनिक – ८१४
फिटर – ६२७
इलेक्ट्रिशियन – १८४
रिक्त पदांची एकूण संख्या – १६२५ पदे
शैक्षणिक पात्रता
मान्यताप्राप्त संस्थेतून इलेक्ट्रॉनिक्स मेकॅनिक, इलेक्ट्रिशियन किंवा फिटरच्या ट्रेडमध्ये 2 वर्षांचे ITI पास प्रमाणपत्र असणे आवश्यक आहे. याशिवाय एक वर्षाची अप्रेंटिसशिप (कौशल्य विकास मंत्रालयाने जारी केलेली NAC) अनिवार्य आहे. एक वर्षाहून अधिक अनुभव असल्यास अतिरिक्त लाभ दिला जाईल. निवडलेल्या उमेदवारांना ECIL च्या कोणत्याही कार्यालयात (संपूर्ण भारत) आणि त्याच्या ग्राहकांच्या साइटवर पोस्टींग मिळू शकते आणि आवश्यकतेनुसार २४-तासांच्या शिफ्टमध्ये काम करण्याची तयारी हवी. अर्जदारांचे वय ३० वर्षांपेक्षा जास्त नसावे. अधिक तपशीलांसाठी सूचना काळजीपूर्वक वाचा.
कनिष्ठ तंत्रज्ञांचे वेतन
ECIL मध्ये कनिष्ठ तंत्रज्ञ पदावर नियुक्त केलेल्या उमेदवारांना पहिल्या वर्षी २०,४८० रुपये प्रति महिना, दुसऱ्या वर्षी २२,५२८ रुपये प्रति महिना आणि तिसऱ्या वर्षी २४,७८० रुपये प्रति महिना वेतन दिले जाईल.
ECIL भरती २०२२ ची निवड प्रक्रिया
ITI मध्ये १:४ च्या गुणोत्तराने मिळवलेल्या गुणांच्या आधारे गुणवत्तेच्या क्रमाने व्यापार-निहाय आणि श्रेणी-निहाय निवड केली जाईल. शॉर्टलिस्ट केलेल्या उमेदवारांना ईमेलद्वारे हैदराबाद येथे दस्तऐवज पडताळणीसाठी बोलावले जाईल.
