नवी दिल्ली :‘मोदी आडनाव प्रकरणी’ सुरत न्यायालयाने आपला निकाल दिला आहे. या प्रकरणी सुरत न्यायालयाने राहुल गांधींना दोषी ठरवले आहे. सुरत न्यायालयाने त्याला 2 वर्षांची शिक्षा सुनावली. मात्र, त्यानंतर लगेचच त्यांना १५ हजार रुपयांच्या जातमुचलक्यावर जामीन मंजूर करण्यात आला. या प्रकरणी गेल्या 4 वर्षांपासून त्यांच्यावर मानहानीचा खटला सुरू होता. खरं तर, 2019 मध्ये मोदी आडनावावर टिप्पणी केल्याबद्दल त्यांच्यावर फौजदारी मानहानीचा खटला दाखल करण्यात आला होता. तत्पूर्वी, कोर्टात हजर राहण्यासाठी राहुल गांधी हे आज गुरुवारी सुरतला पोहोचले होते
2019 च्या लोकसभा निवडणुकीच्या वेळी राहुल गांधींनी सर्व चोरांचे आडनाव मोदी का आहे, असा आरोप केला होता. या विधानानंतर देशभरात राजकीय वादळ उठले होते. यानंतर भाजप आमदार पूर्णेश मोदी यांनी राहुल गांधींविरोधात गुन्हा दाखल केला होता. यापूर्वी, गेल्या शुक्रवारी म्हणजेच १७ मार्च रोजी दोन्ही बाजूंचा युक्तिवाद पूर्ण झाला होता. यासोबतच न्यायालयाने 23 मार्च म्हणजेच आज निकाल देण्याची तारीख निश्चित केली होती.
असे कोणते प्रकरण होते ज्यात राहुल गांधींना दोषी ठरवण्यात आले होते
वायनाडचे लोकसभा सदस्य राहुल गांधी 2019 च्या लोकसभा निवडणुकीच्या प्रचारासाठी कर्नाटकातील कोलार येथे पोहोचले होते. एका सभेत ते म्हणाले होते, ‘सर्व चोरांचे आडनाव मोदी एकच का असते?’ भाजपचे आमदार आणि गुजरातचे माजी मंत्री पूर्णेश मोदी यांनी राहुल गांधींविरोधात मानहानीचा खटला दाखल केला होता. राहुल यांनी या टिप्पणीने संपूर्ण मोदी समाजाची प्रतिष्ठा खाली आणल्याचा आरोप त्यांनी केला होता.
