श्री राष्ट्रीय राजपूत करणी सेनेच्या राष्ट्रीय महामंत्री तथा राष्ट्रीय प्रवक्तापदी सूरजसिंह ठाकूर यांची निवड
जळगाव, प्रतिनिधी : श्री राष्ट्रीय राजपूत करणी सेना, भारत यांच्या वतीने जळगाव येथे आयोजित राष्ट्रीय स्तरावरील भव्य सामाजिक कार्यक्रमात नागपूर येथील सूरजसिंह ठाकूर यांची राष्ट्रीय महामंत्री तथा राष्ट्रीय प्रवक्ता या महत्त्वपूर्ण पदावर नियुक्ती करण्यात आली. राष्ट्रीय नेतृत्वाच्या हस्ते त्यांना नियुक्तीपत्र प्रदान करण्यात आले तसेच नव्या जबाबदारीबद्दल त्यांचे अभिनंदन करण्यात आले.
यावेळी श्री राष्ट्रीय राजपूत करणी सेना, भारत यांच्या राष्ट्रीय अध्यक्षा श्रीमती शिलादेवी सुखदेवसिंह गोगामेडी, राष्ट्रीय उपाध्यक्ष तथा संघटन महामंत्री योगेंद्रसिंह कटार, नवनियुक्त महाराष्ट्र प्रदेशाध्यक्ष प्रवीण राजपूत (पाटील) तसेच राष्ट्रीय कार्यकारिणीतील पदाधिकारी, प्रदेश प्रभारी आणि देशभरातील विविध राज्यांतील वरिष्ठ पदाधिकारी उपस्थित होते.
राष्ट्रीय अध्यक्षा श्रीमती शिलादेवी सुखदेवसिंह गोगामेडी यांच्या नेतृत्वाखाली राष्ट्रीय कार्यकारिणीने सूरजसिंह ठाकूर यांच्यावर ही महत्त्वपूर्ण जबाबदारी सोपवत संघटन विस्तार, समाजहिताची कार्ये आणि संघटनेची विचारधारा देशभर अधिक प्रभावीपणे पोहोचविण्यासाठी कार्य करण्याच्या शुभेच्छा दिल्या. यावेळी उपस्थित मान्यवरांनी त्यांचे अभिनंदन करून नव्या जबाबदारीसाठी शुभेच्छा व्यक्त केल्या. नव्या नियुक्तीमुळे संघटनेचे राष्ट्रीय स्तरावरील कार्य अधिक गतिमान होईल, असा विश्वासही यावेळी व्यक्त करण्यात आला.
