जळगाव, (प्रतिनिधी)- जलशुद्धीकरण केंद्रातील पाईप, लोखंडी दरवाजे व खिडक्या आदी साहित्य चोरी प्रकरणातील मुख्यसूत्रधार मनपाचे माजी विरोधी पक्षनेते, माजी उपमहापौर तसेच माजी महापौर यांचे पती सुनील महाजन यांना अटक करण्यात यावी, अशी मागणी भारतीय जनता पार्टीतर्फे करण्यात करण्यात आली.
याप्रवृत्तीविरोधात भारतीय जनता पार्टी संपर्क कार्यालय जीएम फाउंडेशन येथून जळगाव शहर महानगरपालिकेपर्यंत निषेध व्यक्त करत घोषणा देत निषेध आंदोलन करण्यात आले.
मागील आठवडाभर माध्यमांतून जळगाव मनपाच्या मालकीच्या गिरणा पंपिंग, दापोरा पंपिंग व सावखेडा शिवारातील बंद पडलेल्या जलशुद्धीकरण केंद्रातील पाईप, लोखंडी दरवाजे व खिडक्या आदी साहित्य चोरीच्या बातम्या येत आहेत. या चोरल्या गेलेल्या मालमत्तेची किंमत कोट्यावधीच्या घरात आहे. या संदर्भात जळगाव तालुका पोलीस स्टेशन व रामानंद नगर पोलीस स्टेशन अंतर्गत तीन गुन्हे दाखल असल्याचे कळते. धक्कादायक गोष्ट म्हणजे या चोरीच्या गुन्ह्यांचा मुख्य सूत्रधार व संशयित आरोपी माजी महापौर पती व माजी उपमहापौर व विरोधी पक्षनेते सुनिल सुपडू महाजन फरार असल्याचे समजते, म्हणून आम्ही या प्रवृत्तीचा निषेध करत मनपाच्या मालकीच्या मालमत्तेच्या चोरी संदर्भात दाखल गुन्ह्याच्या सूत्रधारास अटक करावी अशी मागणी सोमवार, ९ डिसेंबर रोजी आंदोलकांनी केली आहे.
यासह त्यांनी माजी विरोधी पक्षनेते सुनिल सुपडू महाजन हे फरार असल्याने तातडीने त्यांचा शोध घेवून अटक करावी. या गुन्ह्यांचा काटेकोर तपास करून सर्व संबंधितावर योग्य ती कारवाई करावी. या गुन्ह्यातून अजून किती रकमेची व कोणती मालमत्ता आरोपीकडून चोरी केली गेली आहे हे जनतेसमोर आणावे. चोरी करणाऱ्या सर्व सदर संबंधितांवर तातडीने कडक कारवाई करण्यात यावी. अशा प्रकारचे निवेदन पोलीस अधीक्षक महेश्वर रेड्डी यांना देण्यात आले आहे.
दरम्यान, भारतीय जनता पार्टी संपर्क कार्यालय जीएम फाउंडेशन येथून जळगाव शहर महानगरपालिकेपर्यंत निषेध व्यक्त करत घोषणा देत निषेध आंदोलन करण्यात आले. या आंदोलनात जिल्हाध्यक्ष उज्वला बेंडाळे, डॉ. राधेश्याम चौधरी, माजी महापौर सीमा भोळे, जितेंद्र मराठे, अरविंद देशमुख, विशाल त्रिपाठी, भगत बालानी, दीपक सूर्यवंशी, मनोज काळे, गोपाल पोपटानि, सुनील सरोदे, वीरन खडके, गायत्री राणे, सुरेखा तायडे, आशिष सपकाळे, मुकुंद मेटकर, मुकुंदा सोनवणे, कैलास सोनवणे, राहुल वाघ, राजेंद्र मराठे, शंकर कुमावत, राजेंद्र घुगे पाटील, उमेश देशपांडे, मिलिंद चौधरी, विनोद मराठे, नितीन पाटील, जितेंद्र मराठे, अजित राणे, नितीन पाटील, दीपक पुंडलिक, कैलास सोमानी, अशोक घाडगे, सदाशिव ढेकळे, धीरज वर्मा, मुविकोराज कोल्हे, भूपेश कुलकर्णी, राजेंद्र मराठे, बापू कुमावत आदी कार्यकर्ते पदाधिकारी उपस्थित होते.
