मुंबई । जळगाव जिल्ह्यातील केळी हे पीक संपूर्ण भारतात प्रसिद्ध असून मात्र गेल्या मागील काही काळात पिकांवर अनेक संकट आल्याने केळी उत्पादक शेतकरी वर्ग धोक्यात आला आहे. त्यामुळे शासनाने केळी महामंडळ स्थापनाची घोषणा केली होती. दरम्यान, याबाबत मुख्यमंत्री एकनाथ शिंदे यांनी सभागृहात मोठी माहिती दिली आहे.
राज्यात केळी महामंडळ स्थापन करण्याचा निर्णय यापूर्वीच राज्य शासनाने घेतला आहे. या महामंडळाच्या माध्यमातून केळी पिकाबाबत संशोधन करण्यात येणार असून या महामंडळासाठी 50 कोटी रुपयांची तरतूद करण्यात आल्याची माहिती मुख्यमंत्री एकनाथ शिंदे यांनी विधानसभेत दिली.
मुख्यमंत्री एकनाथ शिंदे हे मागील काही दिवसांपूर्वी जळगाव जिल्ह्यात आले होते. तेव्हा त्यांनी केळी महामंडळासाठी 100 कोटीची तरतूद करणार असल्याचं घोषित केलं होतं. परंतु अद्यापही केळी महामंडळाची स्थापनाच झालेली नाहीये. त्यामुळे शेतकऱ्यांना मदत करता येणार नाही. त्यामुळे केळी महामंडळाची स्थापना तातडीने करण्यात यावी, अशी मागणी भाजप आमदार संजय सावकारे यांनी विधानसभेत केली.
