भुसावळ । भुसावळातून एक संतापजनक घटना समोर आली असून सावत्र पित्याने बंदुकीच्या धाकावर १६ वर्षीय मुलीवर अत्याचार केल्याप्रकरणी गुन्हा दाखल करण्यात आला. पोलिसांनी नराधम संशयित पित्याला अटक केली.
पीडिता परिवारासह एका भागात राहते. संशयित आरोपी हा तिचा नात्याने सावत्र बाप आहे. आरोपीने जुलै २०२१ ते २१ जुलै २०२३ दरम्यान गावठी कट्ट्याचा धाक दाखवून ‘सब को लाईन से मार दुंगा’ अशी धमकी देत वेळोवेळी अत्याचार केला. अत्याचाराचा प्रकार असह्य झाल्यानंतर पीडितेने बाजारपेठ पोलिस ठाण्यात धाव घेत आपबीती कथन केली.
यानंतर पोलिसांनी संशयित गुन्हेगारावर गुन्हा दाखल केला. पोलिसांनी आरोपीला अटक केली. डीवायएसपी कृष्णांत पिंगळे यांनी या संपूर्ण गुन्ह्याची माहिती जाणून घेतली. अधिकाऱ्यांना सूचना केल्या. गुन्ह्याचा तपास एपीआय हरीष भोये करत आहेत.
