जळगाव । राष्ट्रवादी काँग्रेसचे आमदार एकनाथ खडसे यांनी पुन्हा एकदा भाजप नेते गिरीश महाजन यांच्यावर जोरदार टीका केली आहे. गिरीश महाजन यांनी अनेक ठिकाणी तोंड काळं केलं अशा शब्दांमध्ये आ. खडसे यांनी हल्ला चढविला आहे.
दरम्यान, नाशिक येथे काही दिवसापूर्वी एका गुटखा तस्कराला अटक करण्यात आलेली आहे. तो गिरीश महाजन यांचा निकटवर्तीय असल्याचं बोललं जात आहे. याच्यावरून खडसे यांनी गिरीश महाजनांना घेरलं आहे.
महाजन यांचा निकटवर्तीय असलेल्या गुटखा तस्कराला अटक करण्यात आली आहे. त्यांच्या भोवती नेहमीच गुंडांचा वावर असतो, स्वत: महाजनांवर मोक्का लागलेला आहे. ते जामिनावर सुटलेले आहेत. महाजन यांनी अनेक ठिकाणी तोंड काळं केलेलं आहे. फक्त ते देवेंद्र फडणवीस यांच्या अत्यंत जवळचे असल्यामुळे त्यांच्यावर कारवाई होत नाही, असा आरोप राष्ट्रवादीचे नेते एकनाथ खडसे यांनी केला आहे.
