जळगाव : जळगाव जिल्ह्यातील बारा बाजार समितीच्या निवडणुकीसाठी आज पहिल्या टप्प्यात 6 बाजार समित्यांची मतमोजणी सुरु आहे. यातील भुसावळ बाजार समितीत भाजपने मोठा विजय मिळविला आहे. येथे महाविकास आघाडीला मोठा धक्का बसला आहे.
भुसावळ बाजार समितीत आमदार संजय सावकारे यांच्या भाजप आणि शिंदे गटाच्या शेतकरी विकास पॅनलचा 18 पैकी 15 जागांवर विजय झाला आहे. त्यांनी बाजार समितीवर एकहाती सत्ता मिळवली आहे
हे पण वाचा..
राज्यातील ‘या’ जिल्ह्यांना पुढचे काही तास महत्वाचे ; जोरदार वाऱ्यासह, वादळी पावसाचा इशारा
हृदयद्रावक! जन्मदात्या पित्याने दोन मुलांना विहिरीत फेकले
CRPF मध्ये उपनिरीक्षकसह सहायक उपनिरीक्षक पदांसाठी बंपर भरती
या ठिकाणी महाविकास आघाडीच्या शेतकरी सहकार पॅनलला केवळ तीन जागांवर विजय मिळवता झाला असून त्यांचा पराभव झाला आहे. महाविकास आघाडीचे नेते एकनाथ खडसे व माजी आमदार संतोष चौधरी यांना हा मोठा धक्का मानला जात आहे.
दरम्यान, रावेर बाजार समितीत महाविकास आघाडीने बाजी मारली आहे. रावेर बाजार समितीत एकूण अठरा जागा आहेत. त्यापैकी प्रारंभी ९ जांगाचे निकाल जाहीर झाले आहेत. त्यात महाविकास आघाडीने आठ जागा पटकाविल्या आहेत. तर भाजप शिंदे गट केवळ एका जागेवर विजयी झाले.
