हेमंत जंगल अवताडे दिग्दर्शित ‘घर बंदूक बिरयानी'(Ghar Banduk Biryani) चित्रपटाचा ट्रेलर नुकताच रिलीज झाला असून सैराट चित्रपटाचे निर्माता, दिग्दर्शक नागराज मंजुळे नव्या अंदाजात दिसत असून त्यांची भूमिका प्रेशकांना भुरळ घालत आहे.’घर बंदूक बिरयानी’ चित्रपट एप्रिल महिन्यात प्रदर्शित होणार असून प्रेक्षक प्रदर्शनाची आतुरतेने वाट पाहात आहेत.
खास भूमिकेत असलेले नागराज मंजुळे यांचे ॲक्शन सीन्स. त्यांचा हा नवा अंदाज प्रेक्षकांच्या पसंतीस उतरत असून चाहत्यांनी सोशल मीडियावर तोंड भरून कौतुकाच्या कमेंट्स शेअर केल्या आहेत.
यापूर्वी आपण नागराज मंजुळेचा अभिनयही पाहिला आहे. मात्र ‘घर बंदूक बिरयानी’मध्ये ते पडद्यामागे काम करण्याबरोबरच पडद्यावरही काम करणार आहेत.ट्रेलरमध्ये नागराज मंजुळे डॅशिंग लूकमध्ये दिसत असून त्यांच्या या लूकवर कौतुकांचा वर्षाव होत आहे. चाहत्यांना त्यांचा हा अंदाज आवडला असून आता हा तडफदार पोलीस पाहण्यास प्रेक्षक उत्सुक झाले आहेत. त्यामुळे नागराज मंजुळेंच्या निमित्ताने मराठी सिनेसृष्टीला नवीन ॲक्शन हिरो मिळणार आहे.
झी स्टुडिओज आणि नागराज पोपटराव मंजुळे प्रस्तुत, आटपाट निर्मित हा चित्रपट येत्या ७ एप्रिल रोजी सर्वत्र प्रदर्शित होणार आहे. या चित्रपटात नागराज पोपटराव मंजुळे, सयाजी शिंदे, आकाश ठोसर, सायली पाटील, दिप्ती देवी यांच्या प्रमुख भूमिका आहेत.
