लखनऊ : देशात महिलासंह अल्पवयीन मुलींवर होणारे अत्याचार दिवसेंदिवस वाढतच आहे. असाहतच उत्तरप्रदेशातील महाराजगंज जिल्ह्यातून हैराण करणारी घटना समोर आली आहे. सहावीत शिकणारी मुलगी तिच्या घरात एकटीच होती. ती घरात एकटी असताना एक आठवीत शिकणारा मुलगा तिच्या घरात घुसला आणि चाकूचा धाक दाखवून त्याने तिच्या कपाळावर कुंकू भरलं. संपूर्ण प्रकार उघड झाल्यानंतर मुलीच्या वडिलांनी तक्रार दाखल केली असून १६ वर्षीय मुलाला पोलिसांनी ताब्यात घेतलं आहे.
काय आहे संपूर्ण प्रकरण?
आरोपी आणि मुलगी दोघंही अल्पवयीन आहेत. दोघंही गावातील एकाच शाळेत शिकत होते. शाळेत हा मुलगा सतत मुलीला त्रास देत होता. पोलिसांनी दिलेल्या माहितीनुसार, मागील तीन महिन्यांपासून हा मुलगा मुलीच्या मागे होता. ज्यावेळी मुलीच्या आई-वडिलांना याबाबत माहिती मिळाली त्यावेळी त्यांनी मुलीला त्या शाळेतून काढून दुसऱ्या शाळेत घातलं. पण त्यावेळी मुलीच्या कुटुंबीयांनी पोलिसांत तक्रार दाखल केली नव्हती.
पोलिसांनी दिलेल्या माहितीनुसार, शनिवारी संध्याकाळी चारच्या सुमारास मुलगा त्याच्या एका मित्रासोबत १४ वर्षीय मुलीच्या घरात अचानक घुसला. त्यावेळी मुलगी घरात झाडू मारत होती. घरात घुसलेल्या दोन मुलांपैकी एकाने मुलीच्या गळ्यावर चाकू ठेवला आणि तिची कपाळावर कुंकू लावलं. या संपूर्ण प्रकाराने मुलगी घाबरली आणि आरडाओरड करू लागली. मुलीच्या घरी कोणी पोहोचेपर्यंत त्या मुलांनी घरातून पळ काढला होता.
हे देखील वाचाच ..
अबब…! मोदींनी उद्घाटन केलेल्या ‘गंगा विलास’ क्रूझचे भाडे वाचून चक्रावून जाल..
आजपासून बदलणार ‘या’ 5 राशींचे भाग्य! तुमची तर नाही यात राशी??
पुण्यातील डिफेन्स अ‍ॅकॅडमीमध्ये 10वी, 12वी पाससाठी सरकारी नोकरीचा गोल्डन चान्स, त्वरित अर्ज करा
वैष्णो देवीला स्वस्तात भेट द्यायची संधी… जाणून घ्या IRCTC च्या या पॅकेजबद्दल
मुलीचे वडील ड्रायव्हर आहेत. ते कामावरुन घरी आल्यानंतर मुलीने संपूर्ण प्रकार तिच्या वडिलांना सांगितला. त्यानंतर मुलीच्या वडिलांनी याप्रकरणी पोलिसांत तक्रार दाखल केली. सीसीटीव्ही फुटेजच्या आधारे मुलाची ओळख पटली आहे. त्यानंतर पोलिसांनी मुलाच्या घराचा पत्ता शोधून त्याला ताब्यात घेतलं. मुलाला बाल कल्याण समितीसमोर आणण्यात आलं. सध्या त्याला बाल सुधार कारागृहात ठेवण्यात आलं आहे.
