‘या’ महिलांना सरकार देते आर्थिक मदत, जाणून घ्या ‘या’ योजनेबद्दल

नवी दिल्ली : 12 एप्रिल 2005 रोजी पंतप्रधानांनी सुरू केलेली जननी सुरक्षा योजना (JSY) ही राष्ट्रीय आरोग्य अभियानांतर्गत सुरू केलेली योजना आहे. या अंतर्गत दारिद्र्यरेषेखालील महिलांना केंद्र सरकारकडून आर्थिक मदत दिली जाते. सरकार ही रक्कम गरोदर महिलांना मदत म्हणून देते. ही योजना गरोदर महिला आणि नवजात बालकांची स्थिती सुधारण्यासाठी सरकार चालवते. ही योजना सर्व राज्ये आणि केंद्रशासित प्रदेशांमध्ये (UTs) कमी कामगिरी करणाऱ्या राज्यांवर (LPS) विशेष लक्ष केंद्रित करून लागू केली जात आहे.

जाणून घ्या या योजनेमध्ये काय खास आहे

जननी सुरक्षा योजनेअंतर्गत (JSY), सरकार ग्रामीण भागात राहणाऱ्या सर्व गर्भवती आणि दारिद्र्यरेषेखालील महिलांना 1,400 रुपयांची आर्थिक मदत पुरवते. यासोबतच महिलेला मदत करणाऱ्या आशा सहाय्यकाला 300 रुपये आणि प्रसूतीनंतरही सेवा देण्यासाठी अतिरिक्त 300 रुपये दिले जातात.

शहरी भागातही मदत दिली जाते

या योजनेअंतर्गत, शहरी भागातील गर्भवती महिलांना प्रसूतीच्या वेळी ₹ 1000 तसेच आशा सहाय्यकांना ₹ 200 ची आर्थिक मदत दिली जाते. अशा प्रकारे आशा सहयोगींना ₹ 400 दिले जातात.

कोण लाभ घेऊ शकतो

या योजनेचा लाभ शहरी व ग्रामीण भागातील दारिद्र्यरेषेखालील महिलांना घेता येईल. यासाठी महिलेचे वय १९ वर्षांपेक्षा जास्त असावे. तसेच, 2 मुलांच्या जन्मापर्यंतच याचा लाभ घेता येईल.

जननी सुरक्षा योजना आवश्यक कागदपत्रे:

१. रहिवाशी दाखला 

२. शाळेचे प्रमाणपत्र 

३. जात प्रमाणपत्र

४. आधार कार्ड प्रत 

५. बँक पासबुक झेरॉक्स 

६. जननी सुरक्षा कार्ड 

७. फोटो

याप्रमाणे अर्ज करा

जर तुम्हाला या योजनेअंतर्गत ऑफलाइन अर्ज करायचा असेल, तर तुम्ही जवळच्या अंगणवाडी किंवा महिला आरोग्य केंद्रात जाऊन संपर्क साधू शकता. दुसरीकडे, जर तुम्हाला ऑनलाइन अर्ज करायचा असेल, तर तुम्हाला https://pmmodiyojana.in/wp-content/uploads/2020/03/jsy_guidelines_2006.pdf वर जाऊन फॉर्म डाउनलोड करून तो भरावा लागेल. आणि नंतर जवळच्या अंगणवाडी किंवा महिला आरोग्य केंद्राला भेट देऊन ते सादर करावे लागेल.