जळगाव : युवासेनाप्रमुख आदित्य ठाकरे आज जळगाव जिल्ह्याच्या दौऱ्यावर येत असून पाचोरा, धरणगाव, पारोळा येथील शिवसेना बंडखोर आमदारांच्या मतदारसंघात आदित्य यांच्या सभा होणार आहेत. यामुळे आदित्य ठाकरेंच्या स्वागताचे बॅनर लावण्यात आले आहे. मात्र धरणगावात लावण्यात आलेले आदित्य ठाकरेंच्या स्वागताचे बॅनर फाडण्यात आल्याची धक्कादायक घटना घडलीय. यामुळे परिसरात राजकीय तणाव निर्माण झाल्याचं पाहायला मिळत आहे.
आदित्य ठाकरे आज धरणगावात ज्या मार्गाने जाणार आहेत त्याच मार्गावरील बॅनर फाडल्याची घटना शुक्रवारी मध्यरात्री घडली. अज्ञातांकडून शहरातील गणेश नगर, हेडगेवार नगर आणि उड्डाण पुलाजवळ पदाधिकारी व कार्यकर्त्यांचे बॅनर फाडल्याचा प्रकार समोर आला आहे
राजकीय द्वेषातून शिवसेना, युवासेनेचे स्वागत बॅनर फाडल्याचा संशय शिवसैनिकांनी व्यक्त केला आहे. या घटनेनंतर शिवसेना पदाधिकारी आणि कार्यकर्त्यांनी रोष व्यक्त केला आहे.
हे पण वाचा :
75,000 रुपये भरून घरी घेऊन या ‘ही’ कार ; पाहा किती लागेल EMI
खळबळजनक ! एकतर्फी प्रेमातून तरुणीची हत्या करून मृतदेह झुडपात फेकला
आदित्य ठाकरेंच्या दौऱ्यावर गिरीश महाजनांचा टोला, म्हणाले..
पोलिसांना लॉजवर १३ जोडपी आक्षेपार्ह अवस्थेत आढळली; मुली म्हणाल्या..
दरम्यान, सदर घटनेची माहिती मिळताच धरणगाव पोलीस ठाण्याचे निरीक्षक राहुल खताळ व कर्मचारी यांनी घटनास्थळी जाऊन पाहणी केली. यावेळी शिवसेनेचे सहसंपर्कप्रमुख गुलाबराव वाघ, नगराध्यक्ष निलेश चौधरी, माजी उपनगराध्यक्ष देविदास बापू महाजन, नगरसेवक वासुदेव चौधरी, भागवत चौधरी, किरण अग्निहोत्री, रविंद्र जाधव, भरत माळी आदी पदाधिकाऱ्यांनी कार्यकर्त्यांना शांत राहण्याचा सूचना दिल्या.
