नवी दिल्ली : जम्मू-काश्मीरमधील पहलगाममधील चंदनवाडी येथे एक मोठी दुर्घटना घडली आहे. इंडो-तिबेट बॉर्डर पोलिसांची (ITBP) बस दरीत कोसळली आहे. बसमध्ये सुमारे 39 जवान होते. या दुर्घटनेत एकूण सहा जवान शहीद झालेत. तर कित्येक जवान जखमी झालेत. जखमींना उपचारासाठी रुग्णालयात दाखल करण्याचं काम सुरु आहे. या अपघातामध्ये बसचा अक्षरशः चुराडा झाला. त्यावरुन हा अपघात किती भीषण होता, याची निव्वळ कल्पनाही अंगावर काटा आणणारी आहे.
ही बस चंदनवाडीहून पहलगामच्या दिशेने येत असल्याचे सांगण्यात येत आहे. मिळालेल्या माहितीनुसार, 39 जवानांपैकी 37 आयटीबीपीचे आणि 2 जम्मू-काश्मीर पोलिसांचे आहेत. या सर्वांना घेऊन जाणाऱ्या बसचे ब्रेक निकामी झाल्यानंतर रस्त्याच्या कडेला नदीत कोसळले.
Pahalgam, J&K | Six ITBP personnel have lost their lives, while several other personnel received injuries, who are being airlifted to Army hospital, Srinagar for treatment: Police
A bus carrying 37 ITBP personnel and two J&K Police personnel fell into riverbed in Pahalgam today pic.twitter.com/lVhNooPzlT
— ANI (@ANI) August 16, 2022
एका अधिकाऱ्यानं दिलेल्या माहितीनुसार, पोलिस आणि अन्य अधिकारी घटनास्थळी दाखल झालेत. युद्धपातळीवर बचावकार्य तातडीने सुरु करण्यात आलं. जखमी जवानांनी अपघातग्रस्त बसमधून बाहेर काढण्यात आलं. रुग्णवाहिकांही जखमी जवानांना घेऊन लगेचच रुग्णालयाच्या दिशेने रवाना झाल्याची माहिती देण्यात आली. दरम्यान, 32 जवान या दुर्घटने गंभीर जखमी झालेत. मृतांचा आकडा आणखी वाढेल, अशी भीती व्यक्त केली जातेय.