भादली : भादली येथील 28 वर्षीय तरुणाचा मृतदेह नशिराबाद गावाजवळील कडगाव फाट्याजवळ मृतदेह आज बुधवारी सकाळी आढळून आल्याने खळबळ उडाली आहे. संकेत लिलाधर आढाळे (28, भादली) असे मयत तरुणाचे नाव असून त्याचा खून झाल्याचा प्राथमिक संशय व्यक्त केला आजच्या आहे. मात्र शवविच्छेदन अहवालातून तरुणाच्या मृत्यूचे स्पष्ट कारण समोर येणार आहे.
संकेत आढाळे या तरुणाचा कडगाव रस्त्यावर पाटचारीजवळ लागून असलेल्या शेतात मृतदेह आढळला आहे. त्याच्या पोटावर आणि डोक्यावर घाव असल्याने त्याचा खून करण्यात आल्याचा संशय व्यक्त केला जात आहे. याबाबत नशिराबाद पोलीस ठाण्यात अकस्मात मृत्यूची नोंद घेण्याचे काम सुरू होते. मयताच्या पश्चात वडील लिलाधर राघो आढाळे, आई छाया आणि विवाहित बहिण असा परिवार आहे. या घटनेबाबत पोलीसांनी चौकशीला सुरूवात केली आहे.
हे पण वाचा..
कर्मचाऱ्यांसाठी आणखी एक आनंदाची बातमी, सरकारने केली आता ‘ही’ मोठी घोषणा
भावाच्या अत्याचारातून अल्पवयीन बहिणी गर्भवती राहिली अन् ..; हादरवून सोडणारी घटना
शिंदे-फडणवीस सरकारचे खातेवाटपही जाहीर ; कोणत्या मंत्र्याकडे कोणतं खातं?
सुसाईड नोट लिहून डॉक्टर तरुणीची आत्महत्या, तीन महिन्यापूर्वीच झाला होता प्रेमविवाह
दरम्यान, तरुणाचा मृतदेह शेतात असल्याची माहिती कळताच नशिराबादचे सहाय्यक निरीक्षक अनिल मोरे, एएसआय अलियार खान, समाधान पाटील, किरण बाविस्कर, संजय जाधव, बाळू पाटील आदींनी धाव घेतली.
