जळगाव प्रतिनिधी | येथील सामाजिक कार्यकर्ते तथा युवाशक्ती फाऊंडेशनचे अध्यक्ष विराज कावडिया यांची युवासेनेच्या राज्य सहसचिवपदी नियुक्ती करण्यात आली आहे.
राज्याचे पर्यावरण मंत्री तथा युवासेनेचे अध्यक्ष आदित्य ठाकरे यांच्या निर्देशानुसार ही नियुक्ती करण्यात आली असून वरूण सरदेसाई यांच्या हस्ते कावडिया यांना याचे नियुक्तीपत्र प्रदान करण्यात आले आहे.
विराज कावडिया यांनी गत महापालिका निवडणूक शिवसेनेतर्फे लढविली होती. यात त्यांना अपयश आले होते. तर अलीकडेच्या त्यांना स्वीकृत नगरसेवकपद जाहीर करण्यात आले असून तांत्रिक अडचणींमुळे याच्या अधिकृत घोषणेत अडसर निर्माण झाला आहे. या पार्श्वभूमिवर, कावडिया यांना युवासेनेत महत्वाची जबाबदारी सोपविण्यात आली आहे.
