जळगांव,(प्रतिनिधी)- भारतीय दलित पॅथरचे पहिले शहर अध्यक्ष तसेच केंद्रीय सामाजिक न्याय राज्यमंत्री रामदास आठवले साहेब तथा माजीमंत्री सुरेशदादा जैन यांचे कट्टर समर्थक सुरेश अडकमोल यांचे वयाच्या ७६ वर्षी वृद्धपाकाळने आज दिनांक 16 ऑक्टोबर रोजी निधन झाले.
सुरेश अडकमोल यांनी सन १९७३ साली भारतीय दलित पॅथरचे पहिले शहरअध्यक्ष म्हणून जबाबदारी सांभाळली होती.त्यांनी नामदेव ढसाळ,राजा ढाले,शांताबाई दाणी,भाई संगारे,रा सु गवई,अरुण कांबळे,प्रकाश आंबेडकर,रामदासआठवले, जोगेंद्र कवाडे,चंद्रकांत हंडोरे,प्रितमकुमार शेगांवकर,गंगाधर गाढे यांच्या सोबत आंबेडकरी चळवळीत उभे आयुष्य काम केले होते. त्यानंतर ते रिपब्लिकन पार्टी ऑफ इंडियाचे आठवले गटाचे जिल्हा सरचिटणीस होते सन १९९३ साली ते राज्य परिवहन मंडळावर सदस्य होते तसेच शासकीय पुरवठा दक्षता समितीवर त्यांनी काम केले होते.
दि २० फेब्रुवारी १९८२ साली शहरातील समतानगर ही वस्ती बसवून सर्व जाती धर्माच्या लोकांना राहण्यासाठी जागा देऊन गोरगरीबांचा निवाराचा प्रश्न मिटवला होता औरगाबाद मराठवाडा विद्यापीठाला डॉ.बाबासाहेब आंबेडकर यांचे नाव द्यावे या आंदोलनात नाशिक,औरंगाबाद,अकोला, बुलडाणा जळगांव या कारागृहात अटक होते. ते रेशन दुकानदार संघटनेचेआरपीआयचे महानगरअध्यक्षअनिल अडकमोल यांचे ते वडिल होत तसेच आरपीआयचे जिल्हा सचिव भरत मोरे यांचे सासरे होते त्यांच्या पश्चात पत्नी एक मुलगी मुलगा सून नातवंडे असा परिवार होते त्यांची अंत्ययात्रा दुपारी 2 वा, त्यांच्या नविन उन्मेषपार्क मोहाडी गावाजवळ राजगृह येथील निवासस्थान पासून नेरी नका स्मशानभूमि जळगाव येथे आणण्यात येईल.
