जळगाव – अमरावती जिल्हयातील अंजनगाव सुर्जी येथील ३५ वर्षीय रूग्णाच्या फ्रॅक्चर झालेल्या मणक्यावर डॉ. उल्हास पाटील वैद्यकीय रूग्णालयातील अस्थिरोग तज्ञांच्या कुशलतेमुळे करण्यात आलेली स्पायनल फ्युजनची शस्त्रक्रिया यशस्वी ठरली. शस्त्रक्रियेनंतर रूग्ण आता पुर्वीप्रमाणे उभा राहु लागला आहे.
अमरावती जिल्हयातील अंजनगाव सुर्जी येथील अहमद खान (वय ३५) हे मोलमजूरी करून कुटूंबाचा उदरनिर्वाह चालवितात. एका दिवशी मजूरीसाठी गेलेल्या अहमद खान हे रेतीकाम करतांना बैलगाडीचा मागचा भाग पाठीवर पडल्याने या अपघातात त्यांच्या मणक्याला जबरदस्त दुखापत झाली. ही दुखापत इतकी गंभीर होती की, त्यांना उठता देखील येत नव्हते. यावेळी इतर सहकार्‍यांनी त्यांना तातडीने स्थानिक रूग्णालयात उपचारासाठी दाखल केले. स्थानिक डॉक्टरांनी त्यांना शस्त्रक्रियेचा सल्ला दिला. या शस्त्रक्रियेसाठी मात्र मोठा खर्च लागणार होता. अशा परीस्थीतीत त्यांना डॉ. उल्हास पाटील वैद्यकीय रूग्णालयाची माहिती मिळाली. त्यांनी तातडीने डॉ. उल्हास पाटील रूग्णालयात उपचारासाठी दाखल करण्यात आले. याठिकाणी अस्थिरोग तज्ञ डॉ. दीपक अग्रवाल यांनी त्यांची तपासणी केली. या तपासणीत अहमद खान यांच्या डी-१२ मणक्याला फ्रॅक्चर झाले होते. डॉ. अग्रवाल यांनी खान यांच्या कुटूंबाची आर्थिक परीस्थीती लक्षात घेता त्यांना महात्मा फुले जनआरोग्य योजनेची माहिती दिली. या योजनेंतर्गत अहमद खान यांच्या मणक्यात रॉड टाकून दाबले गेलेले हाड जोडण्यात आले. स्पायनल फ्युजन असे या शस्त्रक्रियेचे नाव असुन या शस्त्रक्रियेमुळे अहमद खान अवघ्या तीसर्‍याच दिवशी उठ-बस करू लागले. अस्थिरोग तज्ञ डॉ. दीपक अग्रवाल यांचे कौशल्य आणि अनुभवामुळे ही शस्त्रक्रिया यशस्वी ठरली.डॉ अग्रवाल यांना डॉ आशिष रत्नानी, भुलरोग तज्ञ डॉ शितल यांनी सहकार्य केले. तर डॉ राहूल कांबळे, डॉ कार्तीक कटेवार यांच्या मार्गदर्शनानुसार कामीनी परमार, सोनाली सावके, प्रियंका गावीत, देविका बांद्रे, शितल बावणे यांनी पुढील उपचार केले. तसेच योजनेंतर्गत ही शस्त्रक्रिया मोफत करण्यात आली. रूग्णाची प्रकृती आता झपाट्याने सुधारत आहे.
रूग्णालयातील डॉक्टर व कर्मचारी देवासारखी मदतीला धावून आली —अहमद खान
माझे वडील अपंग असल्याने घरीच असतात मी मोलमजूरी करून कुटुंबाचा उदरनिर्वाह करतो अशातच अपघातामूळे अपंगत्व आल्याने आम्ही खचलो होतो. पण गावातील लोक,डॉ उल्हास पाटील रूग्णालयातील डॉक्टर,कर्मचारी वर्ग देवासारखी मदतीला धावून आल्यामूळे मी पुर्वीसारखा काम करू शकेल.
अत्याधुनिक सुविधामूळे उपचार करणे शक्य झाले — डॉ दिपक अक्ष्रवाल
अहमद खान लवकरात लवकर रूग्णालयात आला. रूग्णालयात एकाच छताखाली सर्व अत्याधुनिक सुविधा उपलब्ध असल्याने ही स्पायनल फ्युजन शस्त्रक्रिया करणे शक्य झाली असल्याचे डॉ दिपक अग्रवाल यांनी सांगीतले.
