नवी दिल्ली : दोन दिवसानंतर सप्टेंबर महिना संपत असून ऑक्टोबर महिना सुरू होणार आहे. या ऑक्टोबर महिन्यात बरेच बदल होणार असून या बदलांचा थेट परिणाम तुमच्या जीवनावर होणार आहे. जाणून घ्या कोणकोणते बदल होणार आहेत.
१. ऑटो डेबिट नियम :
आता 1 ऑक्टोबरपासून तुमच्या क्रेडिट आणि डेबिट कार्डवरील ऑटो डेबिटचा नियम बदलणार आहे. आरबीआयचा नवीन नियम 1 ऑक्टोबरपासून लागू होईल. रिझर्व्ह बँकेचा नियम आहे की, बँका किंवा इतर वित्तीय संस्थांना डेबिट-क्रेडिट कार्ड किंवा मोबाईल वॉलेटद्वारे 5000 रुपयांच्या वरच्या व्यवहारांसाठी अतिरिक्त घटक प्रमाणीकरणाची मागणी करावी लागेल. म्हणजेच, आता ग्राहकांच्या मंजुरीशिवाय बँक तुमच्या कार्डामधून पैसे डेबिट करू शकणार नाही.
२. 3 बँकांचे चेकबुक निरुपयोगी होणार :
1 ऑक्टोबरपासून 3 बँकांचे चेकबुक आणि MICR कोड अवैध ठरतील. या बँका अलाहाबाद बँक, ओरिएंटल बँक ऑफ कॉमर्स आणि युनायटेड बँक ऑफ इंडिया आहेत. या 3 बँकांच्या ग्राहकांना 30 सप्टेंबरपूर्वी नवीन चेकबुक जारी करण्यास सांगितले होते.
३. डिमॅट आणि ट्रेडिंग खात्याची केवायसी अपडेट डेडलाईन :
सेबीने डीमॅट आणि ट्रेडिंग खाती असलेल्या लोकांना 30 सप्टेंबर 2021 पूर्वी केवायसी तपशील अपडेट करण्यास सांगितले आहे. जर तुम्ही 30 सप्टेंबरपूर्वी तुमच्या खात्यात केवायसी अपडेट केले नाही तर डीमॅट खाते निष्क्रिय होईल आणि खातेदार बाजारात व्यापार करू शकणार नाही.
४. डीमॅट आणि ट्रेडिंग खात्यात नामांकन :
आता डीमॅट आणि ट्रेडिंग खाते उघडण्यासाठी, गुंतवणूकदाराला नामांकन माहिती देणे देखील आवश्यक आहे. जर एखाद्या गुंतवणूकदाराला नामांकन द्यायचे नसेल, तर त्याला त्याबाबत एक घोषणा फॉर्म भरावा लागेल. जर गुंतवणूकदाराने हे केले नाही तर त्याचे ट्रेडिंग आणि डीमॅट खाते गोठवले जाईल.
५. फूड व्यावसायिकांसाठी हे नियम आवश्यक
अन्न सुरक्षा नियामक FSSAI ने अन्न व्यावसायिकांना रोख पावत्या किंवा खरेदी पावत्यांवर FSSAI परवाना क्रमांक किंवा नोंदणी क्रमांकाची माहिती देणे अनिवार्य केले आहे. जर FSSAI चा हा नियम पाळला गेला नाही तर ते अन्न व्यवसायाचे पालन न करणे आणि परवाना किंवा नोंदणी रद्द करणे सूचित करेल.
६. लाईफ सर्टिफिकेट जमा होतील :
1 ऑक्टोबर ते 30 नोव्हेंबर 2021 पर्यंत 80 वर्ष किंवा त्याहून अधिक वयाचे पेन्शनधारक देशातील पोस्ट ऑफिसच्या जीवनप्रदान केंद्रांवर त्यांचे डिजिटल लाईफ सर्टिफिकेट सादर करू शकतील. निवृत्ती वेतनधारकांसाठी जीवनप्रमाण हा जिवंत असल्याचा पुरावा आहे. पेन्शन मिळवण्यासाठी पेन्शनधारकाला दरवर्षी हे प्रमाणपत्र बँक किंवा वित्तीय संस्थेकडे सादर करावे लागते.
