प्रमुख इंटरनेट कंपन्यांनी देशात लागू केलेल्या नवीन माहिती तंत्रज्ञान नियमांचे पालन करण्यास सुरुवात केली आहे. या नियमांअंतर्गत व्हॉट्सअॅपने मंगळवारी आपला अहवाल प्रसिद्ध केला. कंपनीने या अहवालात सांगितले आहे की, १६ जून ते ३१ जुलैपर्यंत ४६ दिवसांमध्ये ३० लाखांहून अधिक भारतीय खात्यांवर बंदी घालण्यात आली.
फेसबुकने या कालावधीत १० श्रेणींमध्ये ३.३३ कोटींपेक्षा जास्त सामग्रीवर प्रक्रिया केली. त्याचवेळी, इन्स्टाग्रामने ९ श्रेणींमध्ये २८ लाख खात्यांवर कारवाई केली.
खाते बॅन होण्याविषयी माहिती… जाणून घ्या…
तुमचे खाते बॅन झाले, तर WhatsApp ॲक्सेस करताना तुम्हाला खालील मेसेज दिसेल: “तुमच्या फोन नंबरला WhatsApp वापरण्यापासून बॅन करण्यात आले आहे. मदतीसाठी मदत समितीशी संपर्क साधा.”
एखाद्या खात्याने आमच्या सेवाशर्तींचे उल्लंघन केले असे आम्हाला वाटत असल्यास, आम्ही ते खाते बॅन करतो.
कोणकोणत्या कृतींनी आमच्या सेवाशर्तींचे उल्लंघन होते याविषयी आणि WhatsApp चा सुयोग्य वापर कसा करावा याविषयी अधिक जाणून घेण्यासाठी आमच्या सेवाशर्तींमधील “आमच्या सेवांचा अधिकृत वापर” हा विभाग काळजीपूर्वक वाचावा असे आम्ही सुचवतो. WhatsApp चा जबाबदारीने वापर कसा करावा याविषयी अधिक माहिती मिळवण्यासाठी मदत केंद्र पहा.
कृपया लक्षात घ्या, की तुमचे खाते बंद करण्याअगोदर आम्ही कदाचित चेतावणी देणार नाही. तुमचे खाते चुकून बॅन करण्यात आले आहे असे तुम्हाला वाटत असेल, तर कृपया आम्हाला ई-मेल करा आणि आम्ही या विषयात लक्ष घालू.
