अमळनेर : शहरातील नगरपालिकेच्या हशमजी प्रेमजी व्यापारी संकुलात एका ३५ वर्षीय तरुणाची गळा चिरून हत्या झाल्याची घटना २७ रोजी पहाटे घडली. प्रकाश दत्तू पाटील असे या मृत तरुणाचे नाव आहे. दरम्यान, पैशाच्या वादातून हा खून झाल्याचे समजते.
पहाटे १ ते २ च्या हा खून करण्याचा आल्याचा अंदाज आहे. हशीमजी प्रेमजी संकुलाच्या दुसऱ्या मजल्यावर हा खून झाला आहे. सकाळी सफाई कामगार झाडलोट करण्यासाठी गेले असता सदर प्रकार उघडकीस आला आहे. घटनास्थळी तात्काळ पोलीस दाखल झाले असून शव विच्छेदन करण्यासाठी ग्रामीण रुग्णालयात नेण्यात आले आहे.
दरम्यान, पैशाच्या वादातून हा खून झाल्याचे समजते. अवघ्या तीन तासात पोलिसांनी हा खून कैलास पांडुरंग शिंगाणे याने केल्याचे निष्पन्न केले.आरोपी कैलास फरार झाला असून त्याच्या कुटुंबियांना चौकशीसाठी पोलिसांनी ताब्यात घेतल्याचे समजते.
