गौरवकुमार पाटील / अमळनेर – तालुक्यातील तापी नदीकाठच्या हिंगोणेसिम येथे तापी खोऱ्यात गावठी हातभट्टीची दारू निर्मिती होत असल्याची गुप्त माहिती एपीआय राहुल फुला यांना मिळाल्याने पोलीस पथकाने काल दिनांक १३ रोजी सायंकाळी सहाय्यक फौजदार संतोष पवार ,पोलीस नाईक सुनील तेली ,होमगार्ड दीपक बाविस्कर , दत्तात्रेय चव्हाण यांच्या पथकाने नदी खोऱ्यात जाऊन अचानक छापा टाकला असता खोल दरीत समाधान जगतराव कोळी हा इसम गावठी दारू निर्मितीची जिवंत हातभट्टी दिसून आल्याने पोलिसांनी काटेरी झुडुपांचे मधून रस्ता धरला असता त्यास चाहुल लागल्याने त्याने पळ काढला त्याचा सुनील तेली व दीपक बाविस्कर यांनी पाठलाग केला असता तो काटेरी झुडुपांतुन पळून गेला मात्र पोलिसांनी घटनास्थळावरून जिवंत हातभट्टी व दारू निर्मितीचे गुळ व नवसागर मिश्रित रसायनाने भरलेले ९ हजार २०० रुपये किमतीचे १०० लिटर मापाचे तीन प्लॅस्टिकचे तीन ड्रम , २० लिटरच्या कॅन मध्ये ६०० रुपये किमतीची १२ लिटर तयार गावठी दारू , ५० लिटर मापाच्या दारू निर्मिती साठी लागणार पत्री ड्रम व जळतन व २हजार रुपये किमतीचे गावठी दारू निर्मितीची जिवंत हातभट्टी असे एकूण ११ हजार ८०० रुपयांचा मुद्देमाल जप्त करून बाकीचे साहित्य जागीच नष्ट केले व पंचनामा करून नमुना घेतल्यावर जिवंत हातभट्टी उध्वस्त करून मारवड पोलीस ठाण्यात पोलीस नाईक सुनील तेली यांनी फिर्याद दिल्याने समाधान जगतराव कोळी राहणार हिंगोणेसिम याचे विरुद्ध बेकायदा गावठी हातभट्टीची दारू निर्मिती व दारूबंदी कायद्याखाली गुन्हा दाखल करण्यात आला असून तपास सहाय्यक फौजदार संतोष पवार हे करीत आहेत.
