जिमाकाचे लिपीक रामकृष्ण वना कोळी सेवानिवृत्त

 जळगाव,  – जिल्हा माहिती कार्यालयातील लिपीक नि टंकलेखक श्री. रामकृष्ण वना कोळी आज 26 वर्षाच्या प्रदिर्घ शासकीय सेवेनंतर आज नियत वयोमानानुसार सेवानिवृत्त झाले. सेवानिवृत्ती निमित्ताने श्री. कोळी यांना जिल्हा माहिती कार्यालयातर्फे स्नेहपुर्ण निरोप देण्यात आला. याप्रसंगी जिल्हा माहिती अधिकारी श्री. विलास बोडके यांनी श्री. कोळी यांना शाल, श्रीफळ व पुष्पगुच्छ देऊन त्यांच्या भावी आयुष्यासाठी सदिच्छा दिल्यात.   यावेळी जिल्हा माहिती कार्यालयातील कर्मचारी विनोद पाटील, दिलीप खैरनार, श्रीमती उषा लोखंडे, पंकज ठाकूर व उपसंचालक (माहिती) नाशिक यांचे प्रतिनिधी राजेंद्र येवले तसेच सहनिबंधक मुद्रांक श्री. सुनिल पाटील हे उपस्थित होते.

            श्री. रामकृष्ण कोळी यांनी सप्टेंबर, 1994 मध्ये जळगाव येथे आपल्या शासकीय सेवेस प्रारंभ केला. त्यानंतर त्यांनी विभागीय माहिती कार्यालय आणि जिल्हा माहिती कार्यालय, नाशिक येथे काम केले. श्री. कोळी हे जिल्हा माहिती कार्यालय, जळगावच्या अधिनस्त उप माहिती कार्यालय, चाळीसगाव येथे लिपीक नि टंकलेखक या पदावर कार्यरत होते.