जळगाव – कै.यशवंत बळीराम पाटील शि.प्र.मंडळ तळई संचलित अनाथ ,निराधार ,निराश्रीत मुलांचे आणि मुलींचे बालगृह खडके बु.या संस्थेत कोविड 19 च्या पाश्वभुमीवर सोशल डिस्टन्सिंगचे पालन करत जागतिक योगदिन साजरा करण्यात आला.अधिक्षक मधुकर कपाटे आणि प्रमोद पाटील यांनी योगाविषयक मार्गदर्शन करतांना अनेक व्याधिंपासुन व औषधींपासुन दुर रहायचे असेल तर योगाशिवाय पर्याय नाही असे सांगितले आणि अंतरराष्ट्रीय योगादिनाच्या शुभेच्छा दिल्या.नंतर बालकांनी योगासन केली.सदर कार्यक्रमासाठी *मैत्रिसेवा फौंडेशन एरंडोल* या संस्थेच्या माध्यमातुन सुरु केलेल्या ऑनलाईन प्रक्रियेत सर्व बालकांची नोंदणी करण्यात आली असुन त्याकामी फौंडेशनचे अध्यक्ष सागर महाजन;उपाध्यक्ष पियुष चौधरी; सचिव पंकज पाटील ;तुषार महाजन यांनी मोलाची मदत केली असुन त्यांच्या माध्यमातुन सर्व बालकांना प्रमाणपत्र मिळणार आहे.
कार्यक्रमासाठी अधिक्षक मधुकर कपाटे ,प्रमोद पाटील ,गणेश पंडीत,अरुणा पंडीत यांनी परिश्रम घेतले.
